KTR Tweet On Kaleswaram: 'కాళేశ్వరానికి జాతీయ హోదా ఎందుకివ్వరు..?'

KTR Tweet On Kaleswaram: అన్ని అర్హతలున్న కాళేశ్వరానికి జాతీయ హోదా ఎందుకు ఇవ్వరని మంత్రి కేటీఆర్‌ కేంద్రాన్ని ప్రశ్నించారు. రాష్ట్రానికి అన్యాయం జరుగుతున్నా.. భాజపా ఎంపీలు చోద్యం చూస్తున్నారని మండిపడ్డారు.

KTR Tweet On Kaleswaram: తెలంగాణకు కేంద్ర ప్రభుత్వం అన్యాయం చేస్తున్నా... రాష్ట్రానికి చెందిన భాజపా ఎంపీలు చోద్యం చూస్తున్నారని మంత్రి కేటీఆర్‌ విమర్శించారు. కేంద్రం తీరును తప్పుపడుతూ ట్వీట్​ చేశారు. అన్ని అర్హతలున్నప్పటికీ.. కాళేశ్వరానికి జాతీయ హోదా ఎందుకు ఇవ్వరని కేటీఆర్ ప్రశ్నించారు. కాళేశ్వరానికి జాతీయ హోదా ఇవ్వకపోవడం వివక్ష కాదా... అని మంత్రి ప్రశ్నించారు. కర్ణాటకలోని ఎగువ భద్ర ప్రాజెక్టుకు జాతీయ హోదా ఇచ్చిన విషయాన్ని ఈ సందర్భంగా కేటీఆర్​ గుర్తు చేశారు.

అప్పర్‌భద్ర ప్రాజెక్టుకు జాతీయహోదా..

కర్ణాటక చేపట్టిన అప్పర్‌భద్ర ప్రాజెక్టుకు కేంద్రం జాతీయహోదా కల్పించింది. ఈ మేరకు అధికారికంగా సమాచారం ఇచ్చింది. అప్పర్‌భద్ర ప్రాజెక్టు నిర్మాణ వ్యయం 2018-19 ధరల ప్రకారం రూ.16,125.48 కోట్లు కాగా, ఇందులో రూ.4,868.31 కోట్లను కర్ణాటక ప్రభుత్వం ఖర్చుచేసింది. మిగిలిన నిధులను జాతీయ హోదా కింద కేంద్రం భరించనుంది. దక్షిణాదిలో పోలవరం తర్వాత జాతీయ హోదా లభించిన ప్రాజెక్టు ఇదే..

ఇదీచూడండి:National Status For Upper Bhadra : కర్ణాటక ప్రాజెక్టు అప్పర్‌భద్రకు జాతీయ హోదా