'మరణ ధ్రువపత్రాల జారీలో ఆలస్యం లేకుండా చూడాలి'

జీహెచ్ఎంసీలో మరణధృవీకరణ పత్రాల విషయంలో ఎలాంటి ఫిర్యాదులు తలెత్తకుండా జాగ్రత్త వహించాలని రాష్ట్ర పురపాలక శాఖ మంత్రి కేటీఆర్ అన్నారు. ఈ మేరకు గ్రేటర్ హైదరాబాద్ మున్సిపల్ కార్పొరేషన్​ పరిధిలో వచ్చిన పలు ఫిర్యాదులపై అధికారులతో ఆయన సమీక్షించారు.

గ్రేటర్ హైదరాబాద్ కార్పొరేషన్ పరిధిలో మరణ ధ్రువవపత్రాల జారీకి సంబంధించి ఎలాంటి ఫిర్యాదులు ఉండరాదని పురపాలకశాఖ మంత్రి కేటీఆర్ స్పష్టం చేశారు. జీహెచ్​ఎంసీ పరిధిలో మరణధృవపత్రాలు జారీలో ఫిర్యాదులపై స్పందించిన మంత్రి కేటీఆర్... అధికారులతో సమీక్షించారు. మరణ ధృవపత్రాల జారీలో ఆలస్యం లేకుండా చూడాలని అధికారులకు ఆదేశాలు జారీ చేశారు. మంత్రి ఆదేశాలకు అనుగుణంగా జీహెచ్​ఎంసీ కమిషనర్ సర్క్యులర్ జారీ చేశారు.

శ్మశాన వాటికల్లోని రికార్డుల్లో వివరాలను ఎప్పటికప్పుడు నమోదు చేయకపోవడం వల్ల మరణ ధ్రువీకరణ పత్రాల జారీలో ఆలస్యం అవుతుందని జీహెచ్​ఎంసీ ఇచ్చే రికార్డులు అన్ని శ్మశాన వాటికల్లో విధిగా ఉండేలా చూడాలని జోనల్, డిప్యూటీ కమిషనర్లను ఆదేశించారు. ఆయా కమిటీల యాజమాన్యాలను సంప్రదించి రికార్డులు ముందస్తుగానే అందించే ఏర్పాట్లు చేయాలని, ఎప్పటికప్పుడు పర్యవేక్షించాలని స్పష్టం చేశారు

ఇదీ చదవండి:జీహెచ్‌ఎంసీ పరిధిలో కరోనా కట్టడి చర్యలపై మంత్రుల సమీక్ష