నల్లమల యురేనియం తవ్వకాలపై నాన్నతో మాట్లాడతా...!​

రాష్ట్రంలో ప్రస్తుతం వేడి రాజేస్తున్న నల్లమల యురేనియం తవ్వకాలపై మంత్రి కేటీఆర్​ స్పందించారు. ఈ విషయంపై ప్రజలు పడుతున్న ఆవేదన తమ దృష్టికి వచ్చినట్లు ట్విట్టర్​ వేదికగా తెలిపారు. సామాజిక మాధ్యమాల్లో వస్తున్న ఎన్నో సందేశాలు... 'సేవ్​ నల్లమల' పేరిట టాలీవుడ్​ తారలు చేస్తున్న క్యాంపెయిన్​పై స్పందించారు.

రాష్ట్రవ్యాప్తంగా చర్చనీయాంశమైన నల్లమల యురేనియం తవ్వకాలపై తెరాస కార్యనిర్వాహక అధ్యక్షుడు, మంత్రి కేటీఆర్ ట్విట్టర్​ వేదికగా స్పందించారు. ఈ విషయంపై సీఎం కేసీఆర్​తో వ్యక్తిగతంగా చర్చిస్తానని పేర్కొన్నారు. ఇప్పటికే విపక్షాలు తీవ్రస్థాయిలో విమర్శలు గుప్పిస్తున్నాయి. ధర్నాలు, ర్యాలీలంటూ యురేనియం తవ్వకాలకు వ్యతిరేకంగా చేపట్టనున్న కార్యచరణపై నేతలు ప్రకటనలు చేస్తున్నారు.​ మరోవైపు తెలుగు సినీ తారలు సామాజిక మధ్యమాలలో పెద్ద ఎత్తున తమ గళం వినిపిస్తున్నారు. సేవ్​ నల్లమల పేరిట ప్రజలు తమ ఆవేదనను తెలియజేస్తున్న నేపథ్యంలో మంత్రి కేటీఆర్​ స్పందించారు.

నల్లమలలో యురేనియం తవ్వకాలపై ప్రజల ఆవేదన మా దృష్టికి వచ్చింది. వ్యక్తిగతంగా ఈ విషయాన్ని సీఎం కేసీఆర్‌ దృష్టికి తీసుకెళ్తానని హామీ ఇస్తున్నాను: మంత్రి కేటీఆర్​.

ఇవీ చూడండి: ఫాలో అవడం అంటే మరీ ఇలా చేయాలా...!