'వేగంగా రాష్ట్ర అభివృద్ధి.. పనికిమాలిన డబుల్​ ఇంజిన్​లు అక్కర్లేదు'

MINISTER KTR: తెలంగాణ అభివృద్ధిపై మంత్రి కేటీఆర్ ఆసక్తికర వ్యాఖ్యలు చేశారు. రాష్ట్రం వేగంగా అభివృద్ధి చెందుతోందని తెలిపారు. దేశ జనాభాలో కేవలం 2.5 శాతం ఉన్న తెలంగాణ.. జీడీపీలో 5 శాతం వాటా అందిస్తోందని వివరించారు. ఈ క్రమంలోనే దేశానికి రెండింతల ప్రభావం చూపగల పరిపాలన అవసరమన్న కేటీఆర్.. పనికిమాలిన డబుల్ ఇంజిన్లు అక్కర్లేదని ఎద్దేవా చేశారు.

MINISTER KTR: ఆధునిక ఆటో మొబైల్​ రంగంలో హైదరాబాద్​కు అపార అవకాశాలు ఉన్నాయని ఐటీ, పరిశ్రమల శాఖ మంత్రి కేటీఆర్​ పేర్కొన్నారు. హైదరాబాద్​ కోకాపేటలో అడ్వాన్స్ ఆటో పార్ట్స్ సంస్థ సెంటర్​ను మంత్రి లాంఛనంగా ప్రారంభించారు. అమెరికాకు చెందిన అగ్రశ్రేణి ఆటో మొబైల్​ సంస్థ.. హైదరాబాద్​లో రెండో అతిపెద్ద కేంద్రాన్ని ఏర్పాటు చేయడాన్ని మంత్రి స్వాగతించారు. ఈ సందర్భంగా భాగ్యనగరంలో వ్యాపారానికి అద్భుత అవకాశాలు ఉన్నాయని మంత్రి వివరించారు.

''హైద‌రాబాద్‌లో వ్యాపారాల‌కు అద్భుత అవ‌కాశాలు ఉన్నాయి. వ‌చ్చే ఫిబ్ర‌వ‌రిలో 'ఫార్ములా ఈ'ని ప్రారంభించ‌బోతున్నాం. అడ్వాన్స్ ఆటో పార్ట్స్ సంస్థ‌ను 65 వేల చ‌ద‌ర‌పు అడుగుల విస్తీర్ణంలో ఏర్పాటు చేశారు. 450 మందికి ఉపాధి అవ‌కాశాలు ల‌భించ‌నున్నాయి.'' - కె.టి.రామారావు, ఐటీ, పరిశ్రమల శాఖ మంత్రి

మరోవైపు రాష్ట్ర అభివృద్ధిపై ట్విటర్​ వేదికగా కేటీఆర్ ఆసక్తికర వ్యాఖ్యలు చేశారు. రాష్ట్రం వేగంగా అభివృద్ధి చెందుతోందని.. ఆర్థికంగా మరింత పరిపుష్ఠం అవుతోందని అన్నారు. దేశ జనాభాలో కేవలం 2.5 శాతం ఉన్న తెలంగాణ.. జీడీపీలో 5 శాతం వాటా అందిస్తోందని తెలిపారు. గతేడాది అక్టోబర్​లో ఆర్బీఐ విడుదల చేసిన నివేదిక ప్రకారం తెలంగాణ దేశ జీడీపీలో 5 శాతాన్ని కలిగి ఉందని పేర్కొన్నట్లు మంత్రి వివరించారు. ప్రస్తుతం దేశానికి రెండింతల ప్రభావం చూపగల పరిపాలన అవసరమన్న కేటీఆర్.. పనికిమాలిన డబుల్ ఇంజిన్​లు అక్కర్లేదని ఎద్దేవా చేశారు.

ఇదీ చూడండి..