సమస్యను పరిష్కరించే ఆవిష్కరణలకే విలువ: కేటీఆర్​

టెక్నాలజీ లక్ష్యం మానవ అవసరాలు తీర్చటమే కాక, సమస్యలు, సవాళ్లకు పరిష్కారాలు కనుకొన్నప్పుడే దానికి విలువ ఉంటుందని మంత్రి కేటీఆర్ అన్నారు. దివ్యాంగులు అందరికీ ఉపయోగపడేలా సహాయ ఉపకరణాలను తీసుకురావాలని వారికి సూచించారు. హైదరాబాద్ నెక్లెస్ రోడ్డులోని హెచ్​ఎండీఏ మైదానంలో ఏర్పాటు చేసిన దివ్యాంగుల ఉపకరణాల ప్రదర్శనను మంత్రి ప్రారంభించారు.

సవాళ్లు, సమస్యలకు పరిష్కారాలు సూచించే ఆవిష్కరణలకు తెలంగాణ ప్రభుత్వం ప్రథమ వినియోగదారుడిలా ఉంటుందని మంత్రి కేటీఆర్ ప్రకటించారు. హైదరాబాద్ నెక్లెస్ రోడ్డులోని హెచ్​ఎండీఏ మైదానంలో ఏర్పాటు చేసిన దివ్యాంగుల ఉపకరణాల ప్రదర్శనను మంత్రి ప్రారంభించారు. ప్రపంచ దివ్యాంగుల దినోత్సవం సందర్భంగా ఏర్పాటు చేసిన ఈ ప్రదర్శన ఎంతో ప్రత్యేకమని అభిప్రాయపడ్డారు.

ప్రదర్శనలోని స్టాళ్లన్ని కలియతిరిగి ఉపకరణాలను ఆసక్తిగా తిలకించారు. ఆవిష్కర్తలను ఇన్నోవేషన్స్ గురించి అడిగి తెలుసుకుని వారిని ప్రత్యేకంగా అభినందించారు. భారత్​లోనే అతి పెద్ద ప్రోటోటైప్​ ల్యాబ్ టి వర్క్​ను త్వరలోనే ప్రారంభిస్తామని మంత్రి ప్రకటించారు. దివ్యాంగులు అందరికీ ఉపయోగపడేలా సహాయ ఉపకరణాలను తీసుకురావాలని వారికి సూచించారు.

ఇదీ చదవండి :గ్రేటర్‌లో తెరాసకే పట్టం కట్టిన ఎగ్జిట్‌ పోల్స్‌