తెలంగాణ విజయ గర్జన(Telangana Vijayagarjana)ను మరిచిపోలేని విధంగా నిర్వహించాలని పార్టీ నేతలకు తెరాస కార్యనిర్వాహక అధ్యక్షుడు కేటీఆర్ (Ktr on Vijaya Garjana) తెలిపారు. విజయగర్జన సభ సన్నాహకాల్లో భాగంగా ఇవాళ తెలంగాణ భవన్లో మేడ్చల్, మల్కాజిగిరి, కుత్బుల్లాపూర్, ఉప్పల్, కూకట్పల్లి, శేరిలింగంపల్లి, ఇబ్రహీంపట్నం, ఎల్బీనగర్, మహేశ్వరం, రాజేంద్రనగర్, అశ్వరావు పేట, భద్రాచలం, పినపాక, ఇల్లెందు, వైరా, కొత్తగూడెం, ఖమ్మం, పాలేరు, మధిర నియోజకవర్గాల నేతలతో కేటీఆర్ భేటీ అయ్యారు.
ప్రతి నియోజకవర్గం నుంచి భారీగా జన సమీకరణ చేయాలని కేటీఆర్ (KTR) స్పష్టం చేశారు. విభేదాలను పక్కన పెట్టి అందరూ కలిసి పని చేయాలని ఉమ్మడి ఖమ్మం జిల్లాలోని కొన్ని నియోజకవర్గాల నేతలకు కేటీఆర్ తెలిపారు. ఒకరిపై ఒకరు నెపం మోపవద్దని... అందరూ ఎవరిస్థాయి వారు ప్రజలను సభకు సమీకరించాలని చెప్పారు. తెరాస రాష్ట్ర అధ్యక్షుడిగా కేసీఆర్ను ప్రతిపాదిస్తూ సహకర సొసైటీల ఛైర్మన్లు నామినేషన్ దాఖలు చేశారు.
రెండు దశాబ్దాల తెరాస (TRS) ప్రస్థానం, ఏడేళ్ల జనరంజకమైన పాలన, రాష్ట్రం సాధించిన చిరస్మరణీయమైన విజయాలను తెలియజేస్తూ నవంబరు 15న వరంగల్‌లో ‘తెలంగాణ విజయగర్జన’ పేరిట భారీ బహిరంగసభను జరుపుతామని కేటీఆర్ అన్నారు. పార్టీ సంస్థాగత నిర్మాణంతో పాటు గ్రామ, మండల, వార్డు కమిటీల ఏర్పాటు పూర్తయిందని, ఎన్నికల సంఘం నిబంధనల మేరకు రాష్ట్ర అధ్యక్ష పదవికి ఎన్నికలు నిర్వహిస్తున్నామని తెలిపారు.