'మరోసారి ఆదరించిన తెలంగాణ ప్రజలకు కృతజ్ఞతలు'

తెలంగాణ పురపాలక ఎన్నికల ఫలితాలపై తెరాస కార్యనిర్వాహక అధ్యక్షుడు, పురపాలక శాఖ మంత్రి కేటీఆర్, మాజీ ఎంపీ కల్వకుంట్ల కవిత స్పందించారు. తెరాసపై భరోసా ఉంచి, మరోసారి పట్టం కట్టిన ప్రజలకు కృతజ్ఞతలు తెలుపుతూ ట్వీట్​ చేశారు.

రాష్ట్ర మున్సిపల్​ ఎన్నికల ఫలితాలపై మంత్రి కేటీఆర్​, మాజీ ఎంపి కవిత ట్విటర్​లో స్పందించారు. ముఖ్యమంత్రి కేసీఆర్​ పాలనపై నమ్మకం ఉంచి, తెరాసను ఆదరించి ఓటు వేసిన వారందరికీ కృతజ్ఞతలు తెలుపుతూ మంత్రి కేటీఆర్​ ట్వీటారు.

పురపాలక ఎన్నికల్లో విజయబావుటా ఎగురవేసిన తెరాస అభ్యర్థులను మాజీ ఎంపీ కవిత అభినందించారు. వారి గెలుపునకు కృషి చేసిన నాయకులు, కార్యకర్తలకు కృతజ్ఞతలు తెలిపారు. తెరాసను మరోసారి ఆదరించిన ఓటర్లకు ధన్యవాదాలు తెలియజేస్తూ ట్వీట్​ చేశారు.