Minister Jagadish Reddy: హైదరాబాద్ నగరంలో రాబోయే 30, 40సంవత్సరాల అవసరాలను దృష్టిలో ఉంచుకుని విద్యుత్ వ్యవస్థను అభివృద్ధి చేస్తున్నామని విద్యుత్ శాఖ మంత్రి జగదీశ్ రెడ్డి అన్నారు. రాయదుర్గంలో దేశంలోనే మొట్టమొదటి సారిగా నిర్మిస్తున్న గ్యాస్ ఇన్స్లేటెడ్ 400కేవీ సబ్‌స్టేషన్‌ను మంత్రి సందర్శించి పనులను పరిశీలించారు. రూ.1400కోట్ల వ్యయంతో నిర్మిస్తున్న గ్యాస్ ఇన్స్లేటెడ్ సబ్‌స్టేషన్‌ను త్వరలోనే ముఖ్యమంత్రి కేసీఆర్ ప్రారంభిస్తారని మంత్రి ప్రకటించారు.
ఈ సబ్ స్టేషన్‌తో నగరానికి మరో 2 వేల మెగావాట్ల విద్యుత్‌ను సరఫరా చేయవచ్చునని మంత్రి వివరించారు. దేశంలో మొదటిసారి మోనో పోల్స్‌ కూడా మనమే వాడుతున్నామని...టీఎస్‌ ట్రాన్స్కో ఆధ్వర్యంలో నిర్మాణం జరిగిందని.. పనులు కూడా చాలా వేగంగా జరిగాయన్నారు. కొవిడ్తో పాటు అనేక ఆటంకాలు తట్టుకుని పనులు పూర్తి చేసినట్లు మంత్రి జగదీశ్ రెడ్డి స్పష్టం చేశారు.