కుటుంబసభ్యులతో ఆడుకున్న మంత్రి ఎర్రబెల్లి

లాక్​డౌన్​ సమయాన్ని అందరూ కుటుంబసభ్యులతో సరదాగా గడుపుతున్నారు. ఈ జాబితాలోకి మంత్రి ఎర్రబెల్లి దయాకర్​రావు సైతం వచ్చేశారు. పిల్లలతో కలిసి గతంలోనూ సరదాగా ఆటలు ఆడిన మంత్రి... మరోసారి క్యారమ్స్​ ఆడుతూ సమయాన్ని ఆనందంగా గడిపారు.

లాక్​డౌన్ వేళ పంచాయతీ రాజ్​ శాఖ మంత్రి ఎర్రబెల్లి దయాకర్ రావు కుటుంబ సభ్యులతో గడిపారు. హైదరాబాద్​లోని తన నివాసంలో సరదాగా ఆటలు ఆడారు. గతంలో టేబుల్ టెన్నిస్ ఆడిన ఎర్రబెల్లి... తాజాగా క్యారమ్స్ ఆడారు. లాక్​డౌన్ కారణంగా కుటుంబసభ్యులతో గడిపేందుకు కాస్త సమయం దొరికిందన్నారు.

ఈ సమయాన్ని ఎట్టి ప‌రిస్థితుల్లోనూ ఎవరూ దుర్వినియోగం చేసుకోవద్దన్నారు. ప్రజలంతా స్వీయ నియంత్రణ పాటిస్తూ... కుటుంబసభ్యులతో హాయిగా గడపాలని ఎర్రబెల్లి సూచించారు. త్వరలోనే రాష్ట్రం కరోనారహితంగా మారుతుందని మంత్రి ఆశాభావం వ్యక్తం చేశారు.

ఇవీ చూడండి:విశాఖ ఘటనపై సీఎం కేసీఆర్​ దిగ్భ్రాంతి