ఏప్రిల్​ 7న మెగా జాబ్ మేళా

ఏప్రిల్ 7న సెట్విన్ ఆధ్వర్యంలో సితాఫలమండీలో మెగా జాబ్ మేళా జరగనుంది. నిరుద్యోగులు ఈ అవకాశం సద్వినియోగం చేసుకోవాలని ఉప సభాపతి తీగుల్ల పద్మారావు గౌడ్ కోరారు. 30 ప్రధాన ప్రైవేటు రంగ సంస్థలు హాజరుకానున్నట్లు తెలిపారు.

జంట నగరాల నిరుద్యోగ యువతీ, యువకులు మెగా జాబ్​ మేళాను సద్వినియోగం చేసుకోవాలని ఉప సభాపతి తీగుల్ల పద్మారావు గౌడ్ తెలిపారు. ఏప్రిల్ 7న సీతాఫలమండీలోని మల్టీ పర్పస్ ఫంక్షన్​ హాల్లో సెట్విన్ సంస్థ ఆధ్వర్యంలో జరగనుందని తెలిపారు. 30 ప్రధాన ప్రైవేటు రంగ సంస్థలు ఆ మెగా జాబ్ మేళాకు వస్తాయని చెప్పారు. సెట్విన్ ఎండీ వేణుగోపాల్, ఇతర అధికారులు, కార్పొరేటర్లు, నాయకులతో కలిసి ఆయన మెగా జాబ్​ మేళా కర దీపికను సీతాఫల్​మండీలో ఆవిష్కరించారు.

పట్ట భద్రులు, పోస్ట్ గ్రాడ్యుయేట్లు మొదలుకుని సాధారణ విద్యార్హత, ఏ విద్యార్హతలు లేని వారికీ సైతం వివిధ ఉద్యోగాలు అందించేలా ఏర్పాట్లు ఉన్నాయని సెట్విన్ ఎండీ వేణు గోపాల్ వెల్లడించారు. పద్మారావు గౌడ్ జన్మదినం సందర్భంగా ఏప్రిల్ 7న భారీ స్థాయిలో ఉద్యోగ మేళాను నిర్వహించనున్నట్లు వివరించారు. ఈ అవకాశాన్ని నిరుద్యోగులు సద్వినియోగం చేసుకోవాలని కోరారు.

ఇదీ చూడండి :కరోనా వ్యాప్తి దృష్ట్యా పండుగలు, ర్యాలీలపై ప్రభుత్వం నిషేధం