రాఖీ కట్టిన సోదరికి మాస్కు, శానిటైజర్ బహుమతి

సికింద్రాబాద్​లో ఓల్డ్ బోయిన్​పల్లిలోని వీఎన్​ఆర్​ చారిటబుల్ ట్రస్ట్ ఛైర్మన్ వల్ల నవీన్... రాఖీ కట్టిన తన చెల్లికి మాస్కు, శానిటైజర్, గ్లౌజులను బహుమతిగా అందజేశాడు.

సికింద్రాబాద్ ఓల్డ్​ బోయిన్​పల్లిలోని వీఎన్​ఆర్ చారిటబుల్ ట్రస్ట్ ఛైర్మన్ వల్ల నవీన్ వినూత్న రీతిలో రాఖీ పండుగ నిర్వహించారు. కుటుంబ సభ్యులతో కలిసి ప్రజలందరికీ కరోనాపై అవగాహన కల్పించారు. నవీన్​కు తన చెల్లెలు రాఖీ కట్టి మిఠాయి తినిపించగా... మాస్కు, శానిటైజర్​, గ్లౌజులను బహుమతిగా ఇచ్చారు.

ప్రస్తుతం కరోనా విపత్కర పరిస్థితులను దృష్టిలో ఉంచుకుని... అందరూ ఇదే విధంగా బహుమతులు అందజేయాలని నవీన్ కోరాడు. ఈ సందర్భంగా ప్రతి ఒక్కరికి రాఖీ శుభాకాంక్షలు తెలియజేస్తూ కరోనా వైరస్ విజృంభణ నేపథ్యంలో జాగ్రత్తలు పాటించాలని సూచించారు.

ఇవీ చూడండి:రాఖీ స్పెషల్... వీరి అనుబంధం.. దేశానికే రక్ష కావాలి..