ఎనిమిది నెలల గర్భవతి ఇంకొకరితో వెళ్లిపోయింది!

ఓ వివాహిత మరో వ్యక్తితో సన్నిహితంగా ఉంటోంది.. అది గమనించిన భర్త మందలించాడు.. అయినా మార్పు రాలేదు. తన సోదరునితో చెప్పి సముదాయించాడు. ఆ మాటలు వినకపోగా రాత్రికిరాత్రే ఇంట్లో నుంచి వెళ్లిపోయింది. ఈ సంఘటన సికింద్రాబాద్​లోని చిలకలగూడ పోలీస్​స్టేషన్​ పరిధిలో జరిగింది.

ఓ వివాహిత ఇంట్లో నుంచి వెళ్లిపోయిన సంఘటన చిలకలగూడ పోలీస్​స్టేషన్ పరిధిలో చోటుచేసుకుంది. చిలకలగూడ నామాలగుండులో నివాసముంటున్న ప్రభాకర్-మమతా దంపతులకు రెండేళ్ల క్రితం వివాహం జరిగింది. వీరిది వృత్తిరీత్యా కూరగాయల వ్యాపారం. అదే క్రమంలో మమతకు పక్కింటి వాచ్​మన్ బంధువైన గణేష్​తో పరిచయం ఏర్పడింది.

బజారుకు వెళ్లి..

మమత ప్రతిరోజూ కూరగాయలు అమ్మేందుకు బజారుకు వెళ్లేది. అది గమనించిన గణేష్ కూరగాయలు కొనడానికి ఆమె వద్దకు వచ్చేవాడు. కొన్నిరోజుల తర్వాత భర్తకు అనుమానం వచ్చింది. భార్య ఫోన్​లో గణేష్​తో సన్నిహితంగా ఉన్న ఫోటోలు గమనించాడు. ఆమెను మందలించాడు.

మందలింపు..

భార్య ప్రవర్తనలో మార్పు రాకపోవడం వల్ల.. వెంటనే ఆమె సోదరున్ని పిలిపించి విషయమంతా చెప్పాడు. మమతను మందలించి ఇంట్లోనే ఉండాలని చెప్పారు. అనంతరం అదే రోజు రాత్రి ఫోన్ తీసుకుని ఇంట్లో నుంచి వెళ్లినట్లు పోలీసులు తెలిపారు. ప్రస్తుతం ఆమె ఎనిమిది నెలల గర్భవతిగా ఉన్నట్లు భర్త తెలిపారు. పోలీసులు కేసు నమోదు చేసుకుని దర్యాప్తు చేస్తున్నారు.

ఇదీ చూడండి :నెక్లెస్​రోడ్​లో ఉత్సాహంగా 10కె రన్​