తెలంగాణ ఇనిస్ట్యూట్‌ ఆఫ్‌ మెడికల్‌ అండ్‌ సైన్సెస్‌-టిమ్స్లో పరిస్థితులు దారుణంగా ఉన్నాయని కొవిడ్ రోగులకు అక్కడి సిబ్బంది చుక్కలు చూపిస్తున్నారని కాంగ్రెస్ మాజీ మంత్రి మర్రి శశిధర్‌ రెడ్డి, పీసీసీ అధికార ప్రతినిధి జి.నిరంజన్‌లు ఆరోపించారు. రోగుల బలహీనతలను ఆసరాగా చేసుకుని నిలువు దోపిడి చేస్తున్నారని విమర్శించారు.
అక్కడ క్యాంటీన్‌లో భోజనం బాగలేకపోగా బయట నుంచి తెప్పించుకునే భోజనాన్ని కూడా లోనికి సక్రమంగా పంపడం లేదని ఆరోపించారు. డబ్బు లేనిది అక్కడ ఏ పని జరగడం లేదని ద్వజమెత్తారు. తక్షణమే ప్రభుత్వం జోక్యం చేసుకుని అక్కడ పరిస్థితులను చక్క దిద్దాలని డిమాండ్‌ చేశారు. ప్రభుత్వ ఆసుపత్రులతోపాటు ప్రైవేటు ఆసుపత్రుల్లో కూడా ఏలాంటి కొరత లేకుండా చూడాల్సిన భాధ్యత ప్రభుత్వానిదేనని వారు స్పష్టం చేశారు.
ఇదీ చూడండి:రాష్ట్రంలోని పరిస్థితులపై ప్రభుత్వానికి సీపీఎం లేఖ
