MAOIST JAGAN: 'భాజపాలో ఈటల చేరికకు వ్యతిరేకంగా మావోయిస్టుల లేఖ'

సీఎం కేసీఆర్, మాజీమంత్రి ఈటల రాజేందర్​ ఒకే గూటి పక్షులని తెలంగాణ మావోయిస్టు అధికార ప్రతినిధి జగన్​ ఆరోపించారు. ఈ మేరకు ఆయన పేరుతో ఓ పత్రికా ప్రకటన విడుదల చేశారు.

తన ఆస్తులను కాపాడుకోవడానికే మాజీమంత్రి ఈటల రాజేందర్ భాజపా తీర్థం పుచ్చుకున్నారని రాష్ట్ర మావోయిస్టు అధికార ప్రతినిధి జగన్​ విమర్శించారు. సీఎం కేసీఆర్, ఈటల రాజేందర్​ ఒకే గూటికి చెందిన పక్షులని ఆయన ఆరోపించారు. దీనిపై ఆయన పేరుతో కూడిన ఓ పత్రికా ప్రకటన విడుదల చేశారు.

మొన్నటి దాకా అధికారం అనుభవించిన ఈటల ఆస్తుల రక్షణ కోసమే కాషాయ కండువా కప్పుకున్నారని మండిపడ్డారు. ఆర్​ఎస్​ఎస్​, ఆర్​ఎస్​యూలను ఒకే గాటిన కట్టడం తగదని హితవు పలికారు. మాజీ మంత్రి ఈటలకు ఆర్​ఎస్​యూ, మావోయిస్టు పార్టీ ఎలాంటి మద్దతు ఇవ్వదని జగన్ పత్రికా ప్రకటనలో వివరించారు.

ఇదీ చూడండి:Harish Rao: 'ఈ నెల 20న సిద్దిపేటకు సీఎం కేసీఆర్​'