తన భార్యను వేధిస్తున్నాడని.. ఓ వ్యక్తిని చంపేశారు

తనను పెళ్లి చేసుకోలేదని.. ఓ వివాహితను వేధిస్తున్నాడననే నెపంతో ఓ వ్యక్తిపై దాడి చేసి చంపిన ఘటన సనత్​నగర్​ పోలీస్​ స్టేషన్​ పరిధిలోని అల్లాపూర్​లో చోటుచేసుకుంది.

సనత్​నగర్​ పోలీస్​ స్టేషన్​ పరిధిలోని అల్లాపూర్​లో తన భార్యను కుటుంబ సభ్యులను వేధిస్తున్నాడని అజయ్​ అనే వ్యక్తిపై నలుగురు దాడి చేశారు. తీవ్ర గాయాలతో ఉన్న అతను గాంధీ ఆస్పత్రిలో చికిత్స పొందుతూ మరణించాడు. ఈ ఘటనపై కేసు నమోదు చేసుకున్న పోలీసులు దర్యాప్తు ప్రారంభించారు.

పోలీసుల కథనం ప్రకారం
నాలుగేళ్ల క్రితం మాదాపూర్​ శ్రీచైతన్య కాలేజీలో అకౌంటెంట్​గా పనిచేస్తున్న అజయ్​కు సనత్​ నగర్​లో ఉండే చిట్టి అనే మహిళ పరిచయమైంది. ఆమెకు లక్ష్మి అనే కూతురు ఉంది. చిట్టీతో వివాహేతర సంబంధం పెట్టుకున్న అజయ్​.. తరువాత లక్ష్మిని తన​కు ఇచ్చి పెళ్లి చేయాలని అడిగాడు... కానీ లక్ష్మి, శ్రీశైలం అనే మరో వ్యక్తిని ప్రేమించి పెళ్లి చేసుకుంది.

అప్పటి నుంచి లక్ష్మికి, చిట్టికి ఫోన్లు చేసి అజయ్​ వేధిస్తున్నాడని.. ఆగ్రహించిన శ్రీశైలం అతని స్నేహితుడు జయరాం సాయంతో శుక్రవారం రోజున అజయ్​పై దాడి చేశారు. రక్తపు మడుగులో పడి ఉన్న అజయ్​ను స్థానికులు చూసి ఆస్పత్రికి తరలించారు. ఈ కేసు విషయమై పూర్తి వివరాలు సేకరిస్తున్నట్లు ఏసీపీ పురుషోత్తం చెప్పారు.

ఇవీ చూడండి: తెలంగాణా పీసీసీ అధ్యక్షుడు ఎంపిక?