'తెరాస ప్రభుత్వం ప్రజాస్వామ్యాన్ని ఖూనీ చేస్తుంది'

పురపాలక ఎన్నికల్లో కాంగ్రెస్ గెలుస్తుందన్న భయంతోనే తెరాస అడ్డగోలు అక్రమాలకు పాల్పడుతోందని టీపీసీసీ ఉపాధ్యక్షుడు మల్లు రవి ఆరోపించారు. రాష్ట్ర ప్రభుత్వం ప్రజాస్వామ్యాన్ని ఖూనీ చేస్తోందని ఆయన మండిపడ్డారు.

మున్సిపల్​ ఎన్నికలలో తెరాస విచ్చలవిడిగా డబ్బు, మద్యం, బంగారం, ఇతర కానుకలు ఓటర్లకు పెద్ద ఎత్తున పంపిణీ చేస్తున్నారని టీపీసీసీ ఉపాధ్యక్షుడు మల్లు రవి ఆరోపించారు. తెరాస పాలన సక్రమంగా ఉన్నట్లయితే ఆ పార్టీ అభ్యర్థులు ఎందుకు తాయిలాలు పంచుతారని ప్రశ్నించారు. గులాబీ పార్టీ పాలనపై ఆ పార్టీ వాళ్లకే నమ్మకం లేదని తెలిపారు. కాంగ్రెస్ కార్యకర్తలు అప్రమత్తంగా ఉండాలని సూచించారు. కాంగ్రెస్ అభ్యర్థులను గెలిపించి తెరాసకు బుద్ధి చెప్పాలని మల్లు రవి ఓటర్లకు విజ్ఞప్తి చేశారు.

ఇవీ చూడండి:ఒక్క టెండర్ ఓటు నమోదైనా రీపోలింగ్: నాగిరెడ్డి