'ఎన్​వోసీ ఇచ్చి... సరిహద్దుల్లో అడ్డుకోవడం సరికాదు'

తెలంగాణలోని ఇతర రాష్ట్రాలకు చెందిన వారు సొంతూరు వెళ్లేందుకు ఎన్​వోసీ ఇచ్చి... వారిని రాష్ట్ర సరిహద్దుల్లో అడ్డుకోవడం సరికాదని ఎంపీ రేవంత్​ రెడ్డి అన్నారు. ప్రభుత్వ తీరును ఆయన విమర్శించారు.

రాష్ట్ర సరిహద్దుల్లో సంక్షోభాన్ని నివారించడంలో తెలంగాణ ప్రభుత్వం వైఫల్యం చెందిందని మల్కాజిగిరి ఎంపీ రేవంత్ రెడ్డి ఆరోపించారు. రాష్ట్రం నుంచి వెళ్లేందుకు ఎన్​వోసీ ఇవ్వడం వల్ల పెద్దఎత్తున జనాలు సొంత ఊళ్లకు వెళ్లేందుకు సిద్ధమయ్యారని చెప్పారు. తిరిగి వారిని రాష్ట్ర సరిహద్దులో అడ్డుకోవడం సరికాదన్నారు.

సీఎం కేసీఆర్, మంత్రి కేటీఆర్​లు ఊకదంపుడు ఉపన్యాసాలు ఇవ్వడమే కాదు... సమయస్ఫూర్తి ప్రదర్శించడం అవసరమని విమర్శించారు. తక్షణమే పక్క రాష్ట్రాల ముఖ్యమంత్రులతో సంప్రదించి సమస్యకు పరిష్కారం చూపాలని ఆయన డిమాండ్​ చేశారు.

ఇవీచూడండి:కరోనాపై యుద్ధం... రంగంలోకి మంత్రి కేటీఆర్