పేరుకే హైటెక్ సిటీ​... స్థానికంగా ఎన్నో సమస్యలు: కాంగ్రెస్ అభ్యర్థి

హైదరాబాద్​లోని మాదాపూర్​ పరిధిలో స్థానికంగా ఎన్నో సమస్యలు ఉన్నాయని కాంగ్రెస్ అభ్యర్థి నగేశ్ అన్నారు. మౌలిక వసతులు లేని కాలనీలు చాలా ఉన్నాయని తెలిపారు. తనకు అవకాశం ఇస్తే అన్ని విధాల అభివృద్ధి చేస్తానని హామీ ఇచ్చారు.

మాదాపూర్ పేరుకే హైటెక్ సిటీ... కానీ స్థానిక ప్రజలు అనేక సమస్యలు ఎదుర్కొంటున్నారని మాదాపూర్ డివిజన్ కాంగ్రెస్ అభ్యర్థి నగేశ్ పేర్కొన్నారు. హైదరాబాద్ శేరిలింగంపల్లి నియోజకవర్గం అంటే దేశంలోనే అందరికి తెలిసిన ప్రాంతం... అయినా మౌలిక వసతులు లేని కాలనీలు అనేకం ఉన్నాయని తెలిపారు.

ఇది వరకు ఉన్న కార్పొరేటర్ స్థానికుడు కాకపోవడంతో తమ బాధలు గుర్తించలేదన్నారు. తనకు అవకాశం కల్పిస్తే మాదాపూర్ డివిజన్​ను అన్ని విధాల అభివృద్ధి చేస్తానని హామీ ఇచ్చారు.

ఇదీ చదవండి:భాగ్యనగరంలో కాషాయ జెండా ఎగరేస్తాం: భాజపా అభ్యర్థి