ప్రియురాలి గొంతు కోసి ప్రియుడి ఆత్మహత్యాయత్నం

దిల్‌సుఖ్​నగర్‌ పరిధిలోని చైతన్యపురిలో దారుణం జరిగింది. ఓ యువతి గొంతు కోసిన యువకుడు తానూ ఆత్మహత్యయత్నానికి పాల్పడ్డాడు. ప్రస్తుతం యువతి పరిస్థితి విషమంగా ఉంది.

ఓ యువతి గొంతుకోసిన యువకుడు తానూ ఆత్మహత్యయత్నానికి పాల్పడిన ఘటన హైదరాబాద్​ దిల్​సుఖ్​నగర్​ పరిధిలోని చైతన్యపురిలో జరిగింది. ఆంధ్రప్రదేశ్​లోని నెల్లూరుకు చెందిన వెంకటేశ్​, హైదరాబాద్​ నగరానికి చెందిన ఓ యువతి కొంత కాలంగా ప్రేమించుకుంటున్నారు. ఇవాళ ఉదయం వీరిద్దరు చైతన్యపురిలోని బృందావన్​ లాడ్జిలో గది అద్దెకు తీసుకున్నారు. మధ్యాహ్న సమయంలో ఇద్దరి మధ్య గొడవ జరిగింది. ఆగ్రహంలో వెంకటేశ్​ యువతి గొంతు కోశాడు. తర్వాత తానూ ఆత్మహత్యయత్నానికి పాల్పడ్డాడు. హోటల్​ సిబ్బంది ఇచ్చిన సమాచారంతో ఘటనా స్థలికి చేరుకున్న పోలీసులు యువతిని కొత్తపేటలోని ఓమ్ని ఆస్పత్రికి, వెంకటేశ్​ను ఉస్మానియా వైద్యశాలకు తరలించారు. ప్రస్తుతం యువతి పరిస్థితి విషమంగా ఉందన్నారు. వీరిద్దరి మధ్య గత నాలుగు నెలలుగా ప్రేమ వ్యవహారం నడుస్తోందని తెలిపారు. వారిద్దరూ కలిసి ఉన్న ఫోటోలను ఆ యువతి చరవాణి నుంచి డిలీట్​ చేయడం వల్ల వేరే వ్యక్తితో మాట్లాడుతుందనే అనుమానంతో ఇద్దరి మధ్య ఘర్షణ జరిగి ఉండవచ్చని పోలీసులు తెలిపారు.

ఇదీ చూడండి: గొంతు కోసుకొని అత్యాచార నిందితుడి ఆత్మహత్య