ముఖ్యమంత్రి సహాయనిధికి విరాళాల వెల్లువ

కరోనాపై పోరుకు దాతలు ముందుకు వస్తున్నారు. ముఖ్యమంత్రి సహాయనిధికి నిన్న పలువురు విరాళాలు ప్రకటించారు. ఇందుకు సంబంధించిన చెక్కులను ప్రగతిభవన్​లో మంత్రి కేటీఆర్​కు అందజేశారు.

యాదాద్రి జిల్లా సుంకేసులకు చెందిన ప్రముఖ ఎన్నారై పైళ్ల మల్లారెడ్డి.. ముఖ్యమంత్రి సహాయనిధికి కోటి 116 రూపాయల విరాళాన్ని ప్రకటించారు. ఇందుకు సంబంధించిన చెక్కును మంత్రి ఎర్రబెల్లి దయాకర్ రావుతో కలిసి మంత్రి కేటీఆర్​కు అందజేశారు.

విజ్ఞాన్ విద్యాలయం, వాసవీ రియల్టర్, ఎల్​ఎల్​పీ సంస్థల యాజమాన్యాలు 25 లక్షల చొప్పున చెక్కులను మంత్రి కేటీఆర్​కు అందించారు. టెక్ సిస్టం గ్లోబల్ సర్వీసెస్ ప్రైవేట్ లిమిటెడ్ 10 లక్షలు, న్యూ కాన్ ఏరోస్పేస్ ప్రైవేట్ లిమిటెడ్, ధనలక్ష్మి ట్రేడర్స్ ఐదు లక్షలు, ఎమరాల్డ్ మిఠాయి షాప్ మూడు లక్షల రూపాయల చొప్పున విరాళాలు ప్రకటించాయి.

ఇవీచూడండి:11 నెలల పసికందును చంపి.. తల్లి ఆత్మహత్య