ఆంధ్రప్రదేశ్ రాజధాని అమరావతి కొనసాగించాలని కోరుతూ బాపట్ల అఖిలపక్షం ఆధ్వర్యంలో ఐకాస ఏర్పాటైంది. పట్టణంలోని అంబేడ్కర్ భవన్‌లో ఏర్పాటు చేసిన ఈ సమావేశానికి... లోకేశ్‌తోపాటు ఎంపీ గల్లా జయదేవ్, మాజీ మంత్రి ప్రత్తిపాటి పుల్లారావు, తెదేపా నేతలు జీవీ ఆంజనేయులు, ఆలపాటి రాజా, కరణం బలరాం, కృష్ణా, ప్రకాశం జిల్లాల నేతలు, ఐకాస నాయకులు హాజరయ్యారు.
అంబేడ్కర్ భవన్ నుంచి జమ్ములపాలెం అంబేడ్కర్ విగ్రహం వరకు పట్టణంలో కిలో మీటరు మేర జోలె పట్టి అమరావతి ఉద్యమానికి విరాళాలు సేకరించారు. 5 ఏళ్లుగా అమరావతిని చంటి బిడ్డలాగా చంద్రబాబు పెంచుతూ ఉంటే.. ఆ బిడ్డను చంపి తల ఒక ప్రాంతంలో కాళ్లు, చేతులు మరో ప్రాంతంలో... మొండెం అమరావతిలో మిగిల్చేందుకు ప్రయత్నిస్తున్నారని లోకేశ్‌ అన్నారు.