లాక్​డౌన్​ వేళ ఆ క్లబ్​లో మద్యం అమ్మకాలు

మారేడుపల్లి న్యూక్లబ్​లో అసలు ఏం జరుగుతోంది..? లాక్​డౌన్ కర్ఫ్యూ నేపథ్యంలో క్లబ్ కమిటీ సభ్యులు చాటు మాటుగా బ్లాక్​లో మద్యాన్ని విక్రయించిన విషయం వెలుగులోకి వచ్చింది. వారిని సస్పెండ్ చేశామని న్యూక్లబ్ క్రమశిక్షణ కమిటీ ప్రతినిధి రామయ్య నాయుడు స్పష్టం చేశారు.

లాక్​డౌన్ సమయం​లో మారేడుపల్లి న్యూక్లబ్​లో రూ. 40 లక్షల విలువైన మద్యం బాటిళ్లు విక్రయాలు జరిపారని ముగ్గురు క్లబ్ సభ్యులు క్రమశిక్షణ కమిటీకి ఫిర్యాదు చేశారు. క్లబ్​లో మద్యం అమ్మకాలు జరుగుతున్నాయనే సమాచారం మేరకు టాస్క్​ఫోర్స్ పోలీసులు మాటు వేశారు. అప్పటికే సరకు అమ్మేశారని తెలుసుకున్న ఎక్స్సైజ్ సీఐ నవనిత హుటాహుటిన చేరుకుని క్లబ్​ను సీజ్ చేశారు.

సస్పెండ్​కు గురైన సభ్యులకు ఎక్సైజ్ పోలీసులు వత్తాసు పలుకుతున్నారని న్యూక్లబ్ క్రమశిక్షణ కమిటీ సభ్యులు చెబుతున్నారు. తాము క్లబ్​ను కాపాడుకోవడానికి ప్రయత్నిస్తుంటే వారు తమకు సహకరించడం లేదని చెప్పారు. వెంటనే ఎక్సైజ్ అధికారులు చర్యలు తీసుకుని బాధ్యులను శిక్షించాలని వారు డిమాండ్ చేస్తున్నారు.

ఇదీ చూడండి :పసిడి ధర రూ. 50,100..ఆదిలాబాద్ చరిత్రలో అత్యధికం..!