బార్​లను మూసేస్తాం.. పన్నులను రద్దు చేయండి..

గతంలో కరోనా సమయంలో రాష్ట్ర ప్రభుత్వం తమ ఆర్థిక పరిస్థితిని గుర్తించి బార్ అండ్ రెస్టారెంట్​లపై విధించే పన్నులు రద్దు చేసిందని... ఇప్పుడు కూడా తమ పరిస్థితి అర్థం చేసుకొని పన్నులను రద్దు చేయాలని బార్​ అండ్ రెస్టారెంట్​ల సభ్యులు డిమాండ్ చేశారు.

కరోనా సెకండ్ వేవ్​ కారణంగా రాష్ట్రంలో బార్ అండ్ రెస్టారెంట్​ల వ్యాపారం చాలా దెబ్బతిందని... అందువల్ల రాష్ట్ర ప్రభుత్వానికి కట్టాల్సిన ఎక్సైజ్ పన్నులను సర్కారు రద్దు చేయాలని గ్రేటర్ హైదరాబాద్ రెస్టారెంట్ బార్ అసోసియేషన్ అధ్యక్షుడు దామోదర్ గౌడ్ ప్రభుత్వాన్ని కోరారు. ప్రజారోగ్యం దృష్ట్యా లాక్​డౌన్ విధించడం సంతోషమేనని... కాకపోతే ఉదయమే బార్​లు తెరవడం సరికాదని తెలిపారు. అందుకే స్వచ్ఛందంగా బార్​లను మూసివేస్తామని దామోదర్ గౌడ్ అన్నారు.

ప్రభుత్వం మానవతా దృక్పథంతో ఆలోచించి తమపై విధించే పన్నులను వెంటనే రద్దు చేయాలని ఆయన డిమాండ్ చేశారు. గతంలో కరోనా సమయంలో రాష్ట్ర ప్రభుత్వం తమ ఆర్థిక పరిస్థితిని గుర్తించి బార్ అండ్ రెస్టారెంట్​లపై విధించే పన్నులు రద్దు చేసిందని... ఇప్పుడు కూడా రద్దు చేయాలని కోరారు. ఈ సమావేశంలో ప్రధాన కార్యదర్శి వేణు గోపాల్, గ్రేటర్ హైదరాబాద్ బార్ అండ్ రెస్టారెంట్ అసోసియేషన్ సభ్యులు పాల్గొన్నారు.

ఇదీ చదవండి:18 రోజుల్లో 4 శాతానికి పైగా దిగువకు కరోనా కేసులు