దీప ప్రజ్వలనం బహుళ ప్రయోజన దాయకం

ప్రధానమంత్రి నరేంద్రమోడీ గారి పిలుపు మేరకు ఈ రాత్రి 9 గంటల 9 నిమిషాలకు దీపాన్ని వెలిగించండంటూ చిలుకూరు బాలాజీ దేవాలయం ప్రధాన అర్చకుడు రంగరాజన్ తెలిపారు. దేశ వ్యాప్తంగా ప్రజలంతా ఏక కాలంలో దీపారాధన చేస్తే దేశ సమైక్యతను చాటి చెప్పడంతో పాటు దైవానుగ్రహానికి పాత్రులమవుతామని చెప్పారు.

ప్రధానమంత్రి నరేంద్ర మోడీ పిలుపు మేరకు ఈ రాత్రి తొమ్మిది గంటల 9 నిమిషాల సమయంలో దీపాన్ని వెలిగించండం ద్వారా బహుళ ప్రయోజనాలున్నాయని చిలుకూరు బాలాజీ ఆలయ ప్రధాన అర్చకులు రంగరాజన్ తెలిపారు. దీపారాధన ఆత్మజ్యోతి స్వరూపమని, ఆత్మవిశ్వాసాన్ని నింపుతుందని తెలిపారు. కరోనా వ్యాాప్తి నివారణ కోసం జరిపే పోరాటానికి ఈ ఆత్మ విశ్వాసం దోహద పడుతుందన్నారు.

దీపాన్ని వెలిగించడం ఆత్మ విశ్వాసంతో పాటు దేశ సమైక్యతను కూడా చాటుతుందన్నారు. ఒకే సమయంలో 130 కోట్ల మంది దీపాన్ని వెలిగించడమంటే ఈ దేశమంతా కరోనా వ్యాప్తి నిర్మూలనా పోరాటంలో భాగస్వాములుగా ఉన్నామనే అర్థమని చెప్పారు. ఆదివారం సూర్య భగవానునికి ప్రీతి పాత్రమని తెలిపారు. ఈరోజు సాయంకాలం దీపం వెలిగించడం వల్ల అమ్మ వారి యొక్క అనుగ్రహం కూడా లభిస్తుందని చిలుకూరు అర్చకులు రంగరాజన్ తెలిపారు.