వరద బాధితులకు అండగా... సైకిల్​ రైడింగ్​​

వరద బాధితులను ఆదుకునే ఉద్దేశంతో ఫిట్​ ఇండియా మూవ్​మెంట్​ను ఆదర్శంగా తీసుకుని లైఫ్​ సైకిల్​ యూత్ సంస్థ సైకిల్​ రైడింగ్​ను ప్రారంభించింది. దానిలో భాగంగా శనివారం సైనిక్​పురి నుంచి బాలాజీనగర్ వరకు ఈ సైకిల్​యాత్రను నిర్వహించారు.

ఫిట్ ఇండియా మూవ్​మెంట్​ని ఆదర్శంగా తీసుకుని మొదలుపెట్టిన సైకిల్ రైడింగ్​ శనివారం రోజు సైనికపురి నుంచి బాలాజీ నగర్ వరకు సాగింది. లైఫ్​సైకిల్ యూత్ ఆధ్వర్యంలో వరద బాధితులను ఆదుకోవాలనే ముఖ్య ఉద్దేశంతో రోజుకు 20 కిలోమీటర్లు సైకిల్​యాత్ర నిర్వహిస్తున్నట్టు యూత్ ​సభ్యులు పేర్కొన్నారు. ఇలా సైకిల్​పై వెళ్తూ కొంత డబ్బును సేకరించామని తెలిపారు.

కొవిడ్ 19 కారణంగా మనం చాలా నేర్చుకోవాలని... ముఖ్యంగా ఆరోగ్యాన్ని పెంపొందిచుకోవాలని స్పోర్ట్స్​ అథారిటీ ఆఫ్​ తెలంగాణ సభ్యులు డా.కె.నర్సయ్య అన్నారు. అందరు ఆరోగ్యాన్ని కాపాడుకోవాలనే ఆలోచనతో తమ స్నేహితులతో కలిసి ప్రతిరోజు సైక్లింగ్ చేస్తున్నామని సైకిల్​యూత్​ ప్రతినిధి అఖిలేష్ వెల్లడించారు.​

ఇదీ చూడండి:గ్రామపంచాయతీల ఉల్లంఘనల పంచాయితీ..!