త్వరలో దేశవ్యాప్తంగా ఉన్న దళిత సోదరులతో దళిత్ సదస్సు: కేసీఆర్‌

19:14 October 06

త్వరలో బీఆర్​ఎస్​ ఆధ్వర్యంలో హైదరాబాద్‌లో దళిత సదస్సు: కేసీఆర్‌

Various States Leaders Of Met CM KCR: ప్రగతిభవన్‌లో సీఎం కేసీఆర్‌ను కలిసిన వివిధ రాష్ట్రాల నేతలు కలిశారు. వారిలో తమిళనాడు వీసీకే పార్టీ అధ్యక్షుడు తిరుమావళవన్ ఉన్నారు. బీఆర్​ఎస్ ఏర్పాటు చేసినందుకు కేసీఆర్​కు నేతలు అభినందనలు తెలిపారు. ఎస్సీల అభివృద్ధి కోసం అనేక పథకాలు అమలు చేస్తున్నామని కేసీఆర్ వారికి వివరించారు. తెలంగాణ పథకాలు దేశవ్యాప్తంగా అమలు చేయాల్సి ఉందని కేసీఆర్ పేర్కొన్నారు.

త్వరలో బీఆర్​ఎస్​ ఆధ్వర్యంలో హైదరాబాద్‌లో దళిత సదస్సు నిర్వహిస్తామని కేసీఆర్ చెప్పారు. దేశవ్యాప్తంగా ఉన్న దళిత సోదరులతో దళిత్ సదస్సు అని సీఎం కేసీఆర్ పేర్కొన్నారు. తెలంగాణలో ఎస్సీ పథకాల గురించి తెలుసుకున్నామని వీసీకే పార్టీ అధ్యక్షుడు తిరుమావళవన్ అన్నారు.ఎస్సీలకు ఇన్ని పథకాలు ఏ రాష్ట్రంలోనూ అమలు కావట్లేదని తెలిపారు. తెలంగాణలో అమలవుతున్న దళితబంధు గొప్ప పథకమని తిరుమావళవన్ తెలియజేశారు.

ఇవీ చదవండి:మునుగోడు ఉపఎన్నికలో భాజపాకు సరైన జవాబిస్తాం: జగదీశ్​రెడ్డి