రాష్ట్రంలో మూడు, అయిదేళ్ల ఎల్‌ఎల్‌బీతో పాటు రెండేళ్ల ఎల్ఎల్ఎం కోర్సుల్లో ప్రవేశానికి నిర్వహించే లాసెట్‌కు ఏప్రిల్ 02న నోటిఫికేషన్ జారీ కానుంది. ఈ మేరకు రాష్ట్ర ఉన్నత విద్యామండలి కార్యాలయంలో ఛైర్మన్‌ ఆచార్య ఆర్‌.లింబాద్రి, లాసెట్ కన్వీనర్‌ జీబీరెడ్డి కాలపట్టికను విడుదల చేశారు.
లాసెట్, పీజీ ఎల్సెట్ షెడ్యూల్ విడుదల
ఎల్ఎల్బీ, ఎల్ఎల్ఎం ప్రవేశాల కోసం లాసెట్, పీజీ ఎల్సెట్ నిర్వహణకు ఉన్నత విద్యా మండలి సిద్ధమైంది. జులైలో పరీక్షలు నిర్వహించాలని నిర్ణయించింది. ఈ మేరకు ఏప్రిల్ 2న నోటిఫికేషన్ విడుదల కానుంది.
ఉన్నత విద్యా మండలి
ఎల్‌ఎల్‌బీకి ఎస్సీ, ఎస్టీ, దివ్యాంగులకు రూ.500, ఇతరులకు రూ.800, ఎల్ఎల్ఎం పరీక్షకు వరుసగా రూ.800, రూ.1000గా ఫీజు నిర్ణయించారు. ఏప్రిల్ 6 నుంచి జూన్‌ 6 వరకు దరఖాస్తు చేసుకోవచ్చని ఛైర్మన్‌ లింబాద్రి తెలిపారు. రూ.500 నుంచి రూ.2 వేల వరకు ఆలస్య రుసుంతో జులై 12 వరకు దరఖాస్తులను సమర్పించవచ్చని పేర్కొన్నారు. పరీక్షలు జులై 21, 22 తేదీల్లో నిర్వహిస్తామని అన్నారు.
ఇదీ చదవండి:'ఒకేసారి వివిధ రకాల డ్రగ్స్ తీసుకోవడం వల్లే బీటెక్ విద్యార్థి మృతి'