లారీ ఓనర్స్ అసోసియేషన్ ఎన్నికల నోటిఫికేషన్ విడుదల

హైదరాబాద్ వనస్థలిపురంలో రాష్ట్ర లారీ ఓనర్స్ అసోసియేషన్.. ఎన్నికల కమిటీ సమావేశాన్ని జరిపింది. ఏప్రిల్​ 9న నిర్వహించనున్న పాలకవర్గ ఎన్నికల నోటిఫికేషన్​ను విడుదల చేసింది.

రాష్ట్ర లారీ ఓనర్స్ అసోసియేషన్.. పాలకవర్గ ఎన్నికలకు నోటిఫికేషన్ విడుదల చేసింది. ఏప్రిల్​ 9న హయత్​నగర్​లోని పద్మావతి గార్డెన్​లో ఎన్నికలు జరుగుతాయని తెలిపింది. హైదరాబాద్ వనస్థలిపురంలో నిర్వహించిన ఎన్నికల కమిటీ సమావేశం అనంతరం.. వివరాలను వెల్లడించింది.

ఈ నెల 23న నామినేషన్లు స్వీకరించి.. 25న పరిశీలిస్తామని అసోసియేషన్ పేర్కొంది. 29న అభ్యర్థుల తుది జాబితాను విడుదల చేస్తామని వివరించింది. అధ్యక్ష, ప్రధాన కార్యదర్శి, కోశాధికారి పదవులకు నామినేషన్లు స్వీకరించనున్నట్లు ఎన్నికల కమిటీ ఛైర్మన్ వెంకట నారాయణ తెలిపారు. ఈ సమావేశంలో మాజీ రాష్ట్ర అధ్యక్ష కార్యదర్శులు భాస్కర్ రెడ్డి, దుర్గాప్రసాద్, ఎన్నికల కమిటీ సభ్యులు, తదితరులు పాల్గొన్నారు.

ఇదీ చదవండి:ఐదు రోజుల పాటు శాసనమండలి సమావేశాలు