L.RAMANA: కేసీఆర్ సమక్షంలో తెరాస కండువా కప్పుకోనున్న ఎల్​.రమణ

ఇటీవల కేటీఆర్ సమక్షంలో తెరాస సభ్యత్వం తీసుకున్న ఎల్​.రమణ... నేడు ముఖ్యమంత్రి కేసీఆర్ సమక్షంలో పార్టీ కండువా కప్పుకోనున్నారు. కేసీఆర్ నేతృత్వంలో పనిచేయడానికి సిద్ధంగా ఉన్నామని రమణ వెల్లడించారు.

తెదేపా రాష్ట్ర మాజీ అధ్యక్షుడు ఎల్​.రమణ ఇటీవల మంత్రి కేటీఆర్​ చేతుల మీదుగా తెరాస పార్టీ సభ్యత్వం స్వీకరించారు. నేడు ముఖ్యమంత్రి కేసీఆర్​ సమక్షంలో గులాబీ కండువా కప్పుకోనున్నారు. ఈ నేపథ్యలో రమణ తన అభిమానులు, నేతలతో కలిసి ఊరేగింపుగా వచ్చి గన్​పార్క్​ వద్ద అమరవీరులకు నివాళులు అర్పించారు. అనుచరులతో తెలంగాణ రాష్ట్ర ఆకాంక్ష కోసం ఉద్యమం చేసిన వారందరు ముఖ్యమంత్రి కేసీఆర్ నేతృత్వంలో పని చేయడానికి సిద్ధంగా ఉన్నామన్నారు.

కేసీఆర్ నేతృత్వంలో ఎల్​.రమణ తెరాస కండువా కప్పుకోనున్నారు. ఇందుకోసం తెలంగాణ భవన్​లో సభను ఏర్పాటు చేస్తున్నారు. ఈ కార్యక్రమంలో పార్టీ కార్యనిర్వాహక అధ్యక్షుడు కేటీఆర్‌, మంత్రులు, చేనేత సంఘాల నేతలు పాల్గొననున్నారు.

ఇదీ చూడండి: గులాబీ గూటికి ఎల్​. రమణ