KTR Tweet: ప్రజల కోసం పోరాడిన చరిత్ర తమ కుటుంబానిదని.. అందుకు భారతీయుడిగా, తెలంగాణవాసిగా గర్వపడుతున్నానని తెరాస కార్యనిర్వాహక అధ్యక్షుడు, మంత్రి కేటీఆర్ శనివారం ట్విటర్లో తెలిపారు. ‘తాత (అమ్మ శోభ వాళ్ల నాన్న) జె.కేశవరావు మా కుటుంబంలో ఒక స్ఫూర్తిదాయక, ఆదర్శవంతమైన వ్యక్తి’ అని పేర్కొంటూ.. ఆయనతో బాల్యంలో తాను, కవిత, సంతోష్‌ దిగిన ఫొటోను ట్వీట్‌ చేశారు. కేశవరావు 1940 చివర్లో నిజాంకు వ్యతిరేకంగా పోరాటం చేశారని.. కేంద్రం ఆయనకు స్వాతంత్య్ర సమరయోధుడిగా గుర్తింపు ఇచ్చిందని చెప్పారు.
ప్రస్తుతం కేంద్రంలో అధికారంలో ఉన్న నాయకుల్లో ఎంత మంది స్వాతంత్య్ర ఉద్యమంలో పాలుపంచుకున్నారని కేటీఆర్ ప్రశ్నించారు. సంబంధం లేని విషయాలు తమవని చెప్పుకోవడానికి వారు ప్రయత్నిస్తున్నారని విమర్శించారు.
భాజపా పాలిత రాష్ట్రాల్లోని రేషన్‌ షాపుల వద్ద ‘థ్యాంక్స్‌ టు తెలంగాణ’ బ్యానర్లు పెట్టాలి..