కేఆర్‌ఎంబీ ఆర్‌ఎంసీ భేటీకి తెలంగాణ గైర్హాజరు.. మధ్యాహ్నానికి వాయిదా

KRMB RMC Meeting in Hyderabad today : హైదరాబాద్ జలసౌధలో ఇవాళ మధ్యాహ్నం కృష్ణా నదీ యాజమాన్య బోర్డు జలాశయాల పర్యవేక్షక కమిటీ సమావేశం జరిగింది. కన్వీనర్ ఆర్కే పిళ్లై నేతృత్వంలో జరిగిన ఈ భేటీకి తెలంగాణ రాష్ట్రం నుంచి అధికారులు హాజరు కాకపోవడంతో సమావేశాన్ని మధ్యాహ్నానికి వాయిదా వేశారు. మధ్యాహ్నం వరకు తెలంగాణ అధికారులు హాజరు కావాలని సూచించారు.

KRMB RMC Meeting in Hyderabad today : హైదరాబాద్‌ జలసౌధలో ఇవాళ కృష్ణా నదీ యాజమాన్య బోర్డు జలాశయాల పర్యవేక్షక కమిటీ సమావేశం జరిగింది. కన్వీనర్ ఆర్కే పిళ్లై నేతృత్వంలో కమిటీ భేటీ నిర్వహించారు. ఈ భేటీలో కేఆర్ఎంబీ సభ్యుడు మౌంతాంగ్ పాల్గొన్నారు. సమావేశానికి ఏపీ జలవనరుల శాఖ ఈఎన్‌సీ నారాయణ రెడ్డి, ఏపీ జెన్‌కో సీఈ సుజయ్‌కుమార్, అధికారులు హాజరయ్యారు. కానీ తెలంగాణ నుంచి ఎవరూ హాజరు కాలేదు. ఇదే చివరి సమావేశమని గతంలో ఆర్‌ఎంసీ పేర్కొంది.

ఈ క్రమంలో తెలంగాణ సభ్యులను ఈ భేటీకి తప్పనిసరిగా హాజరుకావాలని ఆర్‌ఎంసీ కోరింది. మధ్యాహ్నం వరకు హాజరవుతామని తెలంగాణ అధికారులు ఆర్‌ఎంసీకి వివరించారు. ఈ నేపథ్యంలో కృష్ణా బోర్డు ఆర్‌ఎంసీ భేటీని అధికారులు మధ్యాహ్నానికి వాయిదా వేశారు. ఇవాళ జరగనున్న కృష్ణా బోర్డు ఆర్‌ఎంసీ సమావేశంలో అధికారులు జల విద్యుదుత్పత్తి, జలాశయాల రూల్ కర్వ్స్‌పై చర్చించనున్నారు. వరద సమయంలో వినియోగించిన జలాల గురించి సమావేశంలో చర్చకు రానుంది.

• ఇవీ చదవండి :లంబోర్గినిగా మారిన మారుతీ స్విఫ్ట్ సీఎంకు మెకానిక్ కానుక