కార్మికులు తమ జీతాలు పెంచుమని కోరడం లేదని... ఆర్టీసీ సంస్థను బతికించమని కోరుతున్నారని తెజస అధ్యక్షుడు ప్రొ. కోదండరాం తెలిపారు. హైదరాబాద్ సరూర్నగర్లో నిర్వహించిన సమరభేరిలో పాల్గొన్న కోదండరాం... ప్రపంచంలో ఇంతవరకూ ఎక్కడా చేయని విధంగా సమ్మె జరుగుతుందని పేర్కొన్నారు. సభ నిర్వహించుకోవాలంటే కోర్టుకు వెళ్లి అనుమతులు తెచ్చుకోవాల్సిన దుస్థితి వచ్చిందని ఆవేదన వ్యక్తం చేశారు. కార్మికుల వల్లే ఆర్టీసీ నష్టాల్లో ఉన్నట్లు ప్రభుత్వం తప్పుడు ప్రచారం చేస్తోందని మండిపడ్డారు. ఆర్టీసీ కార్మికుల సమ్మెకు న్యాయస్థానం అండగా నిలిచిందన్నారు. కార్మికులకు అన్ని రాజకీయ పార్టీలు, ప్రజాసంఘాలు మద్దతుగా నిలిచాయని భరోసా ఇచ్చారు.
'ఆర్టీసీని బతికించమని కోరితే... కన్నెర్ర చేస్తారా?'