కోమటిరెడ్డి వ్యాఖ్యలపై మండిపడ్డ సీఎం

కాంగ్రెస్​ ఎమ్మెల్యే కోమటిరెడ్డి రాజగోపాల్​ వ్యాఖ్యలపై సీఎం కేసీఆర్​ మండిపడ్డారు. కాంగ్రెస్​ పార్టీ నేతలు కావాలనే అసత్య ప్రచారాలు చేస్తూ.. ప్రజాస్వామ్యాన్ని అపహస్యం చేస్తున్నారని విమర్శించారు.

కాంగ్రెస్‌ వాళ్లు గెలిస్తే చక్కగా గెలిచినట్లు.. మేమైతే డబ్బులు పెట్టి గెలిచినట్లా అని కేసీఆర్​ అసెంబ్లీలో ప్రశ్నించారు. ఎవరు తప్పు మాట్లాడితే వాళ్లని ప్రజలు శిక్షిస్తారని పేర్కొన్నారు. మిషన్‌ భగీరథ ఒక అద్భుతమైన పథకంగా అభివర్ణించారు. 11 రాష్ట్రాలు మన ఇంజినీర్ల సహకారం కోరారని తెలిపారు.

ఒక పథకం అమలుచేస్తే ఏ ప్రభుత్వమైనా పంచాయతీల తీర్మానం తెచ్చిందా అని ప్రశ్నించారు. ప్రజాస్వామ్యంలో అంతిమ విజయం ప్రజలదేనన్న సీఎం.. డబ్బులు పంచి గెలిచింది ఎవరో నల్గొండ ప్రజలందరికి తెలుసన్నారు. అసత్యాలు మాట్లాడితే సహించేది లేదని హెచ్చరించారు.

ఇవీ చూడండి:నేను కేసీఆర్‌ బొమ్మతో గెలవలేదు: ఎమ్మెల్యే కోమటిరెడ్డి