ఆర్టీసీ కార్మికులను తొలగిస్తున్నట్టు ప్రకటించిన సీఎం కేసీఆర్ నిర్ణయాన్ని భాజపా ఖండించింది. ముఖ్యమంత్రి నిర్ణయం కార్మికులను రెచ్చగొట్టే విధంగా ఉందని ఆ పార్టీ రాష్ట్ర అధ్యక్షుడు లక్ష్మణ్ మండిపడ్డారు. ఏ కారణం లేకుండా ఏకపక్ష నిర్ణయం తీసుకునే హక్కు కేసీఆర్కు లేదని మండిపడ్డారు. భారత్ ప్రజాస్వామ్య దేశమని.. సీఎం మర్చిపోయినట్టు ఉందని ఆయన వ్యాఖ్యానించారు. ఉద్యోగుల తొలగింపు నిర్ణయాన్ని ప్రభుత్వం తక్షణం ఉపసంహరించుకోవాలని... లేని పక్షంలో తీవ్ర పరిణామాలు ఎదురవుతాయని లక్ష్మణ్ హెచ్చరించారు.
ఆర్టీసీకి మద్దతుగా లక్ష్మణ్