ఇకపై హైదరాబాద్​లోనే కరోనా టెస్టింగ్

ప్రపంచాన్నే వణికిస్తోన్న కరోనా వైరస్​కి సంబంధించిన టెస్టింగ్ కిట్స్ ఈ రోజు గాంధీ ఆస్పత్రికి రానున్నాయి. దేశ వ్యాప్తంగా గాంధీ సహా మొత్తం 12 ల్యాబ్​లకు ఈ కిట్ల​ని పంపనున్నారు.

దేశ వ్యాప్తంగా కలకలం రేపుతున్న కరోనా వైరస్​ సోకిందా లేదా తెలుసుకునేందుకు దాదాపు రెండు రోజుల సమయం పడుతోంది. అందుకు ముఖ్య కారణం.. హైదరాబాద్​లో కరోనా వైరస్​ను గుర్తించే కిట్లు లేకపోవడమే. వ్యాధి నిర్ధారణ కోసం రక్త నమూనాలను పుణె పంపిస్తున్నారు మన వైద్యులు.

కానీ ఇలా చేస్తేవ్యాధి గుర్తించడం ఆలస్యమవుతున్నందును కేంద్ర ప్రభుత్వమే... కరోనా వైరస్​ను గుర్తించే కిట్లను హైదరాబాద్​లోని గాంధీ ఆస్పత్రికి అందజేసింది. ఈరోజు సాయంత్రం వరకు ఆ కిట్లు గాంధీ ఆస్పత్రిలోని మైక్రోబయాలజీ ల్యాబ్​కు చేరనున్నాయి. గాంధీతో పాటు దేశ వ్యాప్తంగా మరో 11ల్యాబ్​లకు ఈ కిట్లను పంపింది.

ఇవీ చూడండి:టిన్నర్ పరిశ్రమలో ఆరని మంటలు... స్థానికుల్లో భయం భయం..