ప్రభుత్వంతో చర్చలు సఫలం - సమ్మె విరమించుకున్న జూడాలు

Juda Negotiations Success with Minister Damodara Rajanarsimha : సచివాలయంలో జూనియర్ వైద్యులతో ప్రభుత్వం జరిపిన చర్చలు సఫలమయ్యాయి. ఈ మేరకు వారి స్టైపండ్ సహా ఇతర సమస్యలను పరిష్కరిస్తానంటూ వైద్యారోగ్య శాఖ మంత్రి దామోదర రాజనర్సింహా హామీ ఇచ్చారు. ప్రతీ నెలా 15 వరకు స్టైపండ్ అందేలా చూస్తానన్నారు. పెరిగిన సీట్లకు అనుగుణంగా హాస్టల్ వసతి పెంచేందుకు మంత్రి అంగీకరించినట్లుగా జూడాలు తెలిపారు. ఉస్మానియా ఆస్పత్రికి కొత్త భవనం నిర్మాణానికి సైతం మంత్రి హామీ ఇచ్చినట్లుగా వెల్లిడించారు.

Juda Negotiations Success with Minister Damodara Rajanarsimha : సకాలంలో స్టైఫండ్ విడుదల చేయాలన్న డిమాండ్​తో సమ్మె తలపెట్టిన జూనియర్ వైద్యులతో వైద్యారోగ్య శాఖ మంత్రి దామోదర రాజనర్సింహ చర్చలు సఫలమయ్యాయి. నేటి నుంచి తలపెట్టిన సమ్మె విరమించుకున్నట్లు జూనియర్ వైద్యుల సంఘం ప్రకటించింది. ఆరు డిమాండ్​లపై జూనియర్ వైద్యులతో సచివాలయంలో(Telangana Secretariat) వైద్యారోగ్య శాఖ మంత్రి దామోదర రాజనర్సింహ చర్చలు జరిపారు.

Juda Demands for Stipend Intime :స్టైఫండ్ క్రమబద్ధీకరణ కోసం గ్రీన్ ఛానెల్ ఏర్పాటు చేస్తామని, ప్రతి నెల 15వ తేదీ వరకు విడుదల చేస్తామని మంత్రి హామీ ఇచ్చారు. దీనికి సంబంధించిన కొత్త సాఫ్ట్​వేర్​ను 20 రోజుల్లో అందుబాటులోకి తీసుకురానున్నట్లు డీఎంఈ తెలిపారని జూడాలు పేర్కొన్నారు. డీఎన్​బీ విద్యార్థులకుఎనిమిది నెలలుగా పెండింగ్​లో ఉన్న స్టైఫండ్​ను(Pending Stipend) త్వరలో విడుదల చేసేందుకు మంత్రి అంగీకరించారన్నారు.

ఎంబీబీఎస్ స్టూడెంట్స్, హౌస్ సర్జన్స్, సీనియర్ రెసిడెంట్స్​కు అందరికీ సరిపడేలా హాస్టళ్లు లేవు. కాబట్టి ఆ సమస్యను వైద్యారోగ్య శాఖ మంత్రికి తెలియజేశాము. మంత్రి దానిపట్ల సానుకూలంగా స్పందించి, ఇంకా ఎన్ని వసతి గృహాలు కావాలో అడిగి అవి నోట్ చేసుకున్నారు. ప్రభుత్వం తరఫున త్వరలోనే నిర్ణయం తీసుకుంటామని సానుకూల స్పందనను అందించారు. -డా. కార్తీక్, తెలంగాణ జూనియర్ వైద్యుల సంఘం అధ్యక్షుడు

ప్రైవేట్ కాలేజీల పీజీ, ఇంటర్న్ షిప్ విద్యార్థుల స్టైఫండ్​పై సంబంధిత అధికారులతో చర్చించి తగిన నిర్ణయం తీసుకుంటామని మంత్రి హామీ ఇచ్చినట్లు జూడాలు తెలిపారు. ఉస్మానియా ఆస్పత్రికి నూతన భవనం నిర్మించేందుకు మంత్రి దామోదర రాజనర్సింహ అంగీకరించారని, రెండు నెలల్లో శంఖుస్థాపన చేస్తామని మంత్రి హామీ ఇచ్చారన్నారు.

Minister Damodara Rajanarsimha Guarantee on Juda Problems :పెరిగిన వైద్య సీట్లకు అనుగుణంగా హాస్టళ్ల సదుపాయం మెరుగుపరిచేందుకు కూడా మంత్రి సానుకూలంగా స్పందించినట్లు జూడాలు తెలిపారు. పీజీ, ఇంటర్న్​షిప్ వైద్య విద్యార్థుల(Medical Students) పని వేళలకు సంబంధించి విధి విధానాలు ఖరారు చేసేందుకు కమిటీ ఏర్పాటు చేయాలని చర్చల్లో నిర్ణయించినట్లు జూనియర్ వైద్యుల సంఘం ప్రతినిధులు వివరించారు.

అన్ని స్టేషన్ల దగ్గర మా స్టైఫండ్ బిల్లులను ముందుకు జరపండని ప్రతి నెలా మేము వెళ్లి బతిమాలుతుంటే, మాకు నెలలకు ఒకసారి స్టైఫండ్ అనేవి జమ అవుతున్నాయి. కానీ ఇప్పుడు ఆ విషయమై మంత్రితో చర్చిస్తే, ఆయన దానికి సానుకూలంగా స్పందించారు. ఇకపై ప్రతీ నెల 15వ తేదీ లోపల పరిమిత వేతనమనేది జమ అవుతుందని మంత్రి హామీ ఇచ్చారు. దానికి మేము చాలా సంతోషిస్తున్నాం. - డా.పవన్ కల్యాణ్, తెలంగాణ జూనియర్ వైద్యుల సంఘం ఉపాధ్యక్షుడు