మానవత్వం చాటిన పాత్రికేయుడు

లాక్​డౌన్​ వల్ల తమ బంధువుల ఇంట్లో చిక్కుకుని ఇబ్బందులు పడుతున్న కుటుంబానికి ఓ పాత్రికేయులు అండగా నిలిచారు. నిత్యావసరాలు, నగదు అందించారు.

సిద్దిపేట జిల్లాకు చెందిన సుమారు 21 మంది హైదరాబాద్ లంగర్​హౌస్ ప్రాంతంలో తమ బంధువుల 40 రోజుల దినకర్మకు వచ్చి.. లాక్​డౌన్​తో ఇక్కడే చిక్కుకుపోయారు. మధ్య తరగతి కుటుంబం కావడం వల్ల ఓ పూట తింటూ మరో పూట పస్తులుంటున్నారు.

విషయం తెలుసుకున్న సయ్యద్​ ఇమ్రాన్​ అలీ అనే పాతబస్తీకి చెందిన పాత్రికేయులు వారికి అండగా నిలిచారు. ఓ నెలకు సరిపడా బియ్యం, కూరగాయలు, వంట సామగ్రి, కొంత నగదు అందించారు. తమ బాధ తెలుసుకొని సహాయం చేసిన పాత్రికేయునికి బాధిత కుటుంబం కృతజ్ఞతలు తెలిపారు.

ఇదీ చూడండి:పేగు కణాలపైనా కరోనా దాడి