అనవసర సైట్లు ఓపెన్​ చేస్తే అంతే.. : ఏసీపీ హరినాథ్

సైబర్ మోసాలు రోజురోజుకు పెరిగిపోతున్నాయి. సాంకేతిక పరిజ్ఞానాన్ని ఉపయోగించి చేసే మోసాల పట్ల అవగాహన పెంచుకునేలోపే.. కొత్త తరహా మోసాలకు పాల్పడుతున్నారు. యూపీఐ, వాలెట్లను ఉపయోగిస్తున్న ఖాతాదారులను లక్ష్యంగా చేసుకొని నగదు కొల్లగొడుతున్నారు. సైబర్ మోసాలపై జాగ్రత్తలు తీసుకోవాలని చెబుతున్న రాచకొండ సైబర్ క్రైం ఎసీపీ హరినాథ్​తో ఈటీవీ భారత్​ ముఖాముఖి...

సైబర్ నేరగాళ్ల బారిన పడకుండా ఎలాంటి జాగ్రత్తలు తీసుకోవాలి?

ప్రస్తుతం మన జీవితంలో ఇంటర్నెట్ అనేది తప్పనిసరయింది. చదువు, వ్యాపారం, ఉద్యోగం ఎదైనా ఇంటర్నెట్​తో అనుసంధానం అయింది. మన పని చేసుకుంటే బాగానే ఉంటుంది. కానీ ఎప్పుడైతే ఇతర సోషల్ మీడియా, అనవసరమైన విషయాల్లోకి వెళ్తే సైబర్ నేరగాళ్ల ఉచ్చులో పడ్డట్లే.

సైబర్ నేరస్తులు చేసే ఫోన్ కాల్స్, మెసేజ్​లను గుర్తించే అవకాశం ఉందా, వాటినుంచి ఎలా అప్రమత్తంగా ఉండాలి?

ఈ మధ్య కాలంలో బల్క్ ఎస్ఎంఎస్​లు పంపిస్తున్నారు. ఇండియా మొత్తం పంపిస్తారు. మీకు ఎస్​బీఐ రివార్డ్స్ వచ్చాయని.. వెంటనే మీరు రెమెడీ చేసుకోవాలని వస్తే వెంటనే మనం వారు పంపే నీలం, పింగ్ కలర్ లింక్​ను క్లిక్ చేస్తాం, మనిషికి అశ ఎక్కువ, సైబర్ నేరగాళ్లు ఎప్పుడూ మనిషి బలహీనతలను గుర్తించి మోసాలకు పాల్పడుతున్నారు.

ప్రస్తుతం కేవైసీ ఫ్రాడ్ కేసులు ఎక్కువవుతున్నాయి. ట్రెండ్ మారుస్తూ మోసాలకు పాల్పడుతున్న సైబర్ నేరగాళ్లపై ప్రజలు ఏ విధంగా అప్రమత్తంగా ఉండాలి?

నిజమే, ఇటీవల లాక్​డౌన్ సమయంలో చాలా కేసులు వచ్చాయి, చాలా మంది ఫోన్లకు, ఎస్ఎంఎస్​లకు స్పందించారు. మీ పేటిఎంకు కేవైసీ అప్డేట్ చేయాలి లేదంటే బ్లాక్ చేయబడుతుందని అనగానే మోసపోతున్నారు. పేటీఎం కేవలం వాలెట్ మాత్రమే అది అకౌంట్ కాదు, ఎన్ని సార్లైనా తీసివేసుకోవచ్చు.

మోసపోయిన వ్యక్తి ఎంత సమయంలో ఫిర్యాదు చేయాలి? ఎలా చేయాలి? ఆ డబ్బును తిరిగి పోందే అవకాశం ఉందా?

మోసపోయిన వ్యక్తి గంట, రెండు గంటల్లో ఫిర్యాదు చేసినట్లైతే లావాదేవీలు జరగకుండా ఆపడానికి వీలుంది. చాలా మందికి డబ్బు రికవరీ చేసి ఇచ్చాం.

ఇవీ చూడండి:జగన్​ జల దోపిడీకి కేసీఆర్​ అండ: రేవంత్​రెడ్డి