'జంతువుల నుంచి మనుషులకు కరోనా సోకదు'
కొవిడ్ మహమ్మారి పెంపుడు జంతువుల నుంచి మనుషులకు సోకదని పీవీ నరసింహారావు పశు విశ్వవిద్యాలయం వెటర్నరీ మెడిసిన్ విభాగం అధిపతి డాక్టర్ కె.సతీశ్ కుమార్ తెలిపారు. భారత్‌లో తొలిసారిగా హైదరాబాద్ జంతు ప్రదర్శనశాలలో 8 సింహాలకు సార్స్‌-కోవ్2 వైరస్ సోకిన నేపథ్యంలో పెంపుడు జంతువులైన కుక్కలు, పిల్లులే కాకుండా కోళ్లు, ఆవులు, గేదెలు, గొర్రెలు, మేకలు, కుందేళ్లు, కోతులకు కూడా వైరస్ వస్తుందన్న ఆందోళన నెలకొంది. ఈ వదంతులతో మూగజీవాల ప్రేమికులు, పాడిరైతులు ఆందోళనచెందాల్సిన అవసరంలేదని వైద్యులు అంటున్నారు.