ఇంటర్​లో ఫెయిల్... విద్యార్థిని సూసైడ్..

పరీక్షల్లో ఫెయిల్​ అయితే... జీవితమే పోయినట్టు అనుకుంటున్నారు విద్యార్థులు. ఈసారి కాకపోతే మరో ఏడాది పరీక్ష రాసుకోవచ్చు.. దీని కోసం ఆత్మహత్యకు పాల్పడితే... మళ్లీ జీవితం రాదనే విషయాన్ని గ్రహించలేకపోతున్నారు. ఓ యువతి పరీక్షల్లో తప్పాననే మనస్తాపంతో ఆత్మహత్యకు పాల్పడింది.

సికింద్రాబాద్​ గాంధీనగర్​ పీఎస్​ పరిధిలో దారుణం చోటుచేసుకుంది. కోఠిలోని ప్రగతి మహావిద్యాలయంలో అనామిక అనే విద్యార్థిని పరీక్షల్లో తప్పిననే మనస్తాపంతో ఆత్మహత్య చేసుకుంది.

అసలేం జరిగిందంటే...

ఇంటర్మీడియట్​ చదువుతున్న అనామిక నిన్న ఇంటర్​ ఫలితాలను చూసుకుంది. ఓ సబ్జెక్టులో తప్పినట్టు తెలుసుకున్న ఆమె ఇంట్లో ఏం అంటారో అనే భయం... స్నేహితులు చులకనగా చుస్తారని తీవ్ర మనస్తాపానికి గురైంది. ఎవరూ లేని సమయం చూసి ఉరి వేసుకుని ఆత్మహత్యకు పాల్పడింది. ఈ ఘటనతో తల్లిదండ్రులు కన్నీరుమున్నీరయ్యారు. పోలీసులు కేసు నమోదు చేసుకుని, మృతదేహాన్ని శవపరీక్ష నిమిత్తం గాంధీకి తరలించారు.

ఇదీ చూడండి: మీది ప్రేమేనా... ఓ సారి ఆలోచించుకోండి!