కౌలాలంపూర్ విమానాశ్రయంలో చిక్కుకున్న భారత విద్యార్థులు

మెడిసిన్ చదువుకునేందుకు ఫిలిప్పీన్స్ వెళ్లిన భారత విద్యార్థులు కౌలాలంపూర్ విమానాశ్రయంలో చిక్కుకున్నారు. తమను తీసుకెళ్లండి అంటూ భారత ప్రభుత్వానికి విజ్ఞప్తి చేస్తున్నారు.

సికింద్రాబాద్ సీతాఫల్​మండి ప్రాంతానికి చెందిన అదురీ చేతన్ శర్మ ఫిలిప్పీన్స్​లో మెడిసిన్ చదువుతున్నాడు. కరోనా వైరస్ భయంతో ఫిలిప్పీన్స్ ప్రభుత్వం భారత దేశానికి చెందిన మెడిసిన్ విద్యార్థులను స్వదేశానికి వెళ్లిపోవాలని స్పష్టం చేసింది. నిన్న రాత్రి ఒంటిగంటకు దాదాపు 150 మంది మెడిసిన్ విద్యార్థులు ఫిలిప్పీన్స్ నుంచి కౌలాలంపూర్ మీదుగా ఇండియా బయల్దేరారు. ఈ రోజు ఉదయం 5 గంటలకు కౌలాలంపూర్ విమానాయశ్రయంలో దిగారు.

సాయంత్రం 6 గంటలకు ఎయిరిండియా విమానంలో వీరు ఇండియాకు రావాలి. కానీ భారత ప్రభుత్వం 3 గంటలకు మలేషియా విమానాల రాకపోకలను రద్దు చేసింది. 150 మంది వైద్య విద్యార్థులు ఉదయం నుంచి ఇప్పటివరకు ఇండియాకు ఎలా రావాలో దిక్కుతోచని స్థితిలో కౌలాలంపూర్​ ఎయిర్​పోర్టులోనే పడిగాపులు కాస్తున్నారు. మమల్ని తీసుకెళ్లండి అంటూ భారత ప్రభుత్వానికి విజ్ఞప్తి చేస్తున్నారు.

ఇదే విషయమై కేంద్ర హోంశాఖ సహాయ మంత్రి కిషన్ రెడ్డితో పాటు, రాష్ట్ర మంత్రి తలసాని శ్రీనివాస్ యాదవ్ కేంద్ర ప్రభుత్వంతో సంప్రదింపులు జరుపుతున్నారు.

ఇదీ చూడండి:ఆర్​బీఐ అభయంతో లాభాల్లో స్టాక్​ మార్కెట్లు