'ఇకపై వాటి కోసం చైనాపై ఆధారపడాల్సిన అవసరంలేదు'

ఫార్మాస్యూటికల్​లో మందుల తయారీలో ఉపయోగించే మధ్యస్థ, ముడిపదార్థాలు త్వరలోనే భారత్​ లభ్యం కానున్నాయి. ఆ దిశగా ముందడుగేస్తూ ఐఐసీటీ, లైఫ్ సైన్సెస్ కంపెనీ లాక్సాయ్​తో ఒప్పందం చేసుకుంది.

ప్రపంచంలోనే మూడో ఫార్మాస్యూటికల్ సత్తా కలిగి ఉన్న బల్క్​ డ్రగ్ ఇండస్ట్రీగా భారత్​కు పేరుంది. కానీ మందుల తయారీలో భాగంగా ఉపయోగించే మధ్యస్థ, ముడిపదార్థాల కొరకు చైనాపైనే ఎక్కువ ఆధారపడాల్సి వస్తోంది. దీన్ని తగ్గించేందుకు ప్రస్తుతం భారత్​లోని ఔషద కంపెనీలు కృషి చేస్తున్నాయి.

ఈ క్రమంలో ఇండియన్ ఇన్​స్టిట్యూట్​ ఆఫ్ కెమికల్ టెక్నాలజీ... హైదరాబాద్​కు చెందిన లైఫ్ సైన్సెస్ కంపెనీ లాక్సాయ్​తో ఆక్టివ్ ఫార్మాస్యూటికల్ ఇంగ్రిడియెంట్​లపై కలిసి పని చేసేందుకు ఒప్పందం చేసుకున్నాయి. చైనాపై భారత్​ ఆధారపడటాన్ని తమ భాగస్వామ్యం తగ్గిస్తోందని ఇరువర్గాలు ఆశాభావం వ్యక్తం చేశాయి. యాంటీ కోవిడ్ డ్రగ్స్ తయారీ, హైడ్రాక్సీ క్లోరో క్విన్ తయారీలో భాగంగా ఉపయోగించే మధ్యస్థ పదార్థాల అభివృద్ధి దిశగా తమ భాగస్వామ్యం సాగనున్నట్లు తెలిపాయి. తద్వారా దేశీయంగానే ఈ పదార్థాల ఉత్పత్తి సాధ్యమై మందుల ధర తగ్గుతుందని ఆశాభావం వ్యక్తం చేశారు.

ఇవీ చూడండి:పిల్లల అభ్యర్థనపై తల్లికి పుట్టినరోజు జరిపిన పోలీసులు