పాడేరు ఘాట్ రోడ్​లో అమ్మవారి విగ్రహం ధ్వంసం

ఏపీలోని విశాఖ ఏజెన్సీ పాడేరు ఘాట్ రోడ్ కోమలమ్మ పనుకులో అమ్మవారి విగ్రహం ధ్వంసమైంది. రెండు రోజుల కిందటే అమ్మవారి పాదాలు పగులకొట్టినట్లు స్థానికులు తెలిపారు.

ఆంధ్రప్రదేశ్​లో రాముని విగ్రహం ధ్వంసం చేసిన ఘటన మరువక ముందే విశాఖ ఏజెన్సీ పాడేరు ఘాట్ రోడ్​లో అమ్మవారి విగ్రహం, పాదాలు విరగ్గొట్టారు. రెండు రోజుల కిందటే దుండగులు.. అమ్మవారి పాదాలు పగుల కొట్టినట్లు స్థానికులు తెలిపారు. గుర్తు తెలియని వ్యక్తులు అర్ధరాత్రి ఈ విధ్వంసానికి పాల్పడి ఉంటారని అనుమానిస్తున్నారు.

ఘాటికొండ మలుపులో ఉండే ఈ అమ్మవారికి.. చుట్టుపక్కల నాలుగు పంచాయతీల్లోని ముప్పై గ్రామాల ప్రజలు మెుక్కులు తీర్చుకుంటారు. విగ్రహం ధ్వంసం చేసిన వారిపై ప్రజలు తీవ్ర ఆగ్రహం వ్యక్తం చేస్తున్నారు. నిందితులను కఠినంగా శిక్షించాలని కోరుతున్నారు.

ఇదీ చదవండి:మంచుతెర మాటున ట్యాంక్​బండ్​ అందాల కనువిందు