మైనింగ్​ కేసులో ఐఏఎస్​ శ్రీలక్ష్మి డిశ్చార్జ్​ పిటిషన్

ఓబులాపురం మైనింగ్​ కంపెనీ అక్రమాల కేసులో తనపేరును తొలగించాలంటూ సీబీఐ కోర్టులో ఐఏఎస్ అధికారి శ్రీలక్ష్మి డిశ్చార్జ్​ పిటిషన్​ దాఖలు చేశారు. గనుల లీజు మంజూరులో నిబంధనలో మేరకే వ్యవహరించానని పిటిషన్​లో ఆమె పేర్కొన్నారు.

ఓఎంసీ అక్రమాల కేసులో తన పేరు తొలగించాలంటూ గగన్​ విహార్​ సీబీఐ కోర్టులో ఏపీ పురపాలక శాఖ ముఖ్య కార్యదర్శి శ్రీలక్ష్మి డిశ్చార్జ్​ పిటిషన్​ దాఖలు చేశారు. సీబీఐ తనను ఈ కేసులో అనవసరంగా ఇరికించిందన్నారు.

ఓబులాపురం మైనింగ్​ కంపెనీ కేసులో ఐఏఎస్​ శ్రీలక్ష్మి ఆరో నిందితురాలిగా ఉన్నారు. గనుల లీజు మంజూరులో నిబంధనల మేరకే వ్యవహరించానని పిటిషన్​లో పేర్కొన్నారు. ప్రభుత్వ అధికారిగా తన విధులు నిర్వహించానని ఆమె తెలిపారు. ఈ పిటిషన్​పై విచారణను సీబీఐ న్యాయస్థానం ఈనెల 25కు వాయిదా వేసింది.

ఇదీ చూడండి :కాళేశ్వరం దర్శనీయ స్థలమే అవుతుంది : బండి సంజయ్​