'డయల్‌ 100కు ఫోన్‌ చేస్తే 10 నిమిషాల్లోనే స్పందన'

డయల్‌ 100, 181, జీవీకే ఈఎంఆర్‌ఐ సేవలను మహిళా భద్రత ఉన్నతస్థాయి కమిటీ పరిశీలించింది. ప్రస్తుత పనితీరు, తీసుకురావాల్సిన మార్పులపై కమిటీ చర్చించింది.

డయల్‌ 100, 181, జీవీకే ఈఎమ్​ఆర్​ఐ అందిస్తున్న సేవలను మహిళా భద్రత ఉన్నతస్థాయి కమిటీ పరిశీలించింది. ప్రస్తుతం వాటి పనితీరు, తీసుకురావాల్సిన మార్పులపై కమిటీ చర్చించింది. ఆపదలో ఉన్నవారు, ముఖ్యంగా మహిళలు ఆందోళన చెందకుండా డయల్‌ 100కు ఫోన్‌ చేస్తే... పోలీసులు 7 నుంచి 9 నిమిషాల్లో స్పందిస్తారని ఐఏఎస్​ అధికారిణి స్మితా సబర్వాల్‌ ట్వీట్‌ చేశారు.

డయల్‌ 100, జీవీకే ఈఎమ్​ఆర్​ఐను సందర్శించిన వారిలో హైదరాబాద్‌ జిల్లా కలెక్టర్‌ శ్వేత మహంతి, ఐఏఎస్‌ అధికారులు యోగితారాణా, కరుణ, ప్రియాంక వర్గీస్‌, దివ్య, మహిళ భద్రత విభాగం డీఐజీ సుమతి తదితరులు ఉన్నారు.

ఇదీ చూడండి :మరో గంట ప్రయాణం సాఫీగా సాగితే సందడి.. ఇంతలోనే..