తప్పతాగి రోడ్డెక్కుతున్న వాహనదారులు

హైదరాబాద్​లో అర్ధరాత్రి నిర్వహించిన డ్రంక్​ అండ్​ డ్రైవ్​లో 63 మంది మందుబాబులు పట్టుబడ్డారు. కొంతమంది శ్వాసవిశ్లేషణకు సహకరించకుండా పోలీసులతో వాగ్వాదానికి దిగారు.

హైదరాబాద్​లోని బంజారాహిల్స్​, జూబ్లీహిల్స్​ ప్రాంతాల్లో అర్ధరాత్రి డ్రంక్​ అండ్​ డ్రైవ్​ తనిఖీలు నిర్వహించారు. మద్యం సేవించి వాహనాలు నడుపుతున్న 63 మంది మందుబాబులపై పోలీసులు కేసు నమోదు చేశారు. 35 కార్లు, 28 ద్విచక్రవాహనాలు స్వాధీనం చేసుకున్నారు. కొందరు వాహనదారులు తప్పించుకునేందుకు ప్రయత్నించగా... పోలీసులు వెంబడించి పట్టుకున్నారు. పట్టుబడిన మందుబాబులకు సోమవారం కౌన్సెలింగ్​ నిర్వహించి కోర్టులో హాజరుపరుచనున్నట్లు పోలీసులు తెలిపారు.

• ఇదీ చూడండి : సంక్షోభం అంచున కర్ణాటక సంకీర్ణ సర్కార్​