మెట్రోలో రికార్డు స్థాయిలో ప్రయాణం

హైదరాబాద్​ మెట్రోకు ఆదరణ రోజురోజుకూ పెరుగుతోంది. సోమవారం మూడు కారిడార్లలో కలిపి రికార్డు స్థాయిలో 4లక్షల 47 వేల మంది ప్రయాణించినట్లు మెట్రో ఎండీ ఎన్వీఎస్​రెడ్డి వెల్లడించారు.

హైదరాబాద్ మెట్రో రైలులో రికార్డు స్థాయిలో నగర వాసులు ప్రయాణిస్తున్నారు. సోమవారం ఒక్కరోజే మూడు కారిడార్లలోనే కలిపి మొత్తం 4 లక్షల 47 వేల మంది ప్రయాణించినట్లుగా మెట్రో ఎండీ ఎన్వీఎస్ రెడ్డి తెలిపారు. ఇటీవల కొత్తగా ప్రారంభమైన జేబీఎస్-ఎంజీబీఎస్ కారిడార్​లో నిన్న ఒక్కరోజులో 34 వేల మంది ప్రయాణించారు. త్వరలోనే ఎంజీబీఎస్- జేబీఎస్ కారిడార్​లో ప్రయాణికుల సంఖ్య మరింత పెరిగే అవకాశం ఉందన్నారు.

క్యూఆర్ కోడ్ టికెట్ విధానంతో ప్రయాణికుల సంఖ్య పెరుగుతూ వస్తోందని వెల్లడించారు. అత్యధికంగా అమీర్​పేట్ మెట్రో స్టేషన్​ నుంచి 26 వేల మంది ప్రయాణికులు, ఎల్బీనగర్ స్టేషన్​ నుంచి 24 వేలు, రాయదుర్గం స్టేషన్​ నుంచి 22 వేల మంది ప్రయాణించినట్లు ఎన్వీఎస్ రెడ్డి పేర్కొన్నారు.

ఇవీ చూడండి: అధికార యంత్రాంగం అంతటికీ ఒకే ప్రాధాన్యం : సీఎం కేసీఆర్