''పరిమిత సమయాల్లోనే హైదరాబాద్ మెట్రో సేవలు''

19:16 September 03

'లక్షణాలు లేని వాళ్లకు మాత్రమే మెట్రో ప్రయాణానికి అనుమతి'

ఈ నెల 7 నుంచి హైదరాబాద్ మెట్రో రైలు సేవలు పునరుద్ధరించనున్నట్లు మెట్రో ఎండీ ఎన్వీఎస్​ రెడ్డి వెల్లడించారు. ప్రయాణికుల రద్దీ ఆధారంగా సర్వీసులపై నిర్ణయం తీసుకోనున్నారు. మెట్రో స్టేషన్లు, రైళ్లలో భౌతిక దూరం పాటించేలా చర్యలు తీసుకుంటామని.. వాటిని సీసీటీవీల ద్వారా పర్యవేక్షించనున్నట్లు ఎన్వీఎస్​ రెడ్డి తెలిపారు.  

ప్రయాణికులు తప్పనిసరిగా మాస్కులు ధరించాలని.. లేని పక్షంలో జరిమానా విధిస్తామన్నారు. లక్షణాలు లేని వాళ్లకు మాత్రమే మెట్రో ప్రయాణానికి అనుమతిస్తామని.. మెట్రో ఉద్యోగులందరికీ పీపీఈ కిట్లు అందించనున్నట్లు పేర్కొన్నారు. స్మార్ట్​ కార్డులు, నగదు రహిత విధానంలోనే టికెట్లు జారీ చేస్తామన్న ఎన్వీఎస్ రెడ్డి దశలవారీగా రైళ్లను నడపనున్నట్లు తెలిపారు.  

తొలి ఫేజ్​లో భాగంగా ఈనెల 7న మియాపూర్- ఎల్బీనగర్​ మార్గంలో మెట్రో సేవలు ప్రారంభిస్తామని.. రెండో ఫేజ్​లో 8న నాగోల్- రాయదుర్గం మార్గంలో.. మూడో ఫేజ్​లో బాగంగా సెప్టెంబరు 9న అన్ని మార్గాల్లో మెట్రో సేవలు పునరుద్ధరిస్తామని ఎన్వీఎస్​ రెడ్డి చెప్పారు. అయితే ఉదయం 7 నుంచి మధ్యాహ్నం 12 గంటల వరకు.. తిరిగి సాయంత్రం 4 గంటల నుంచి రాత్రి 9 గంటల వరకు మాత్రమే ప్రయాణికులను అనుమతించనున్నారు. కంటైన్​మెంట్​ జోన్లుగా ఉన్న గాంధీ ఆస్పత్రి, భరత్‌నగర్, మూసాపేట్‌, ముషీరాబాద్, యూసఫ్​గూడ మెట్రో స్టేషన్లను మూసివస్తామని ఎన్వీఎస్​ రెడ్డి తెలిపారు. 

ఇదీ చూడండి:ఆసిఫాబాద్‌లో రెండోరోజు డీజీపీ మహేందర్​రెడ్డి పర్యటన