Hyderabad Girl Murder Case in Bangalore : 'ఆకాంక్ష' మర్డర్​ కేసు.. ప్రియుడికి లుక్​ అవుట్​ నోటీసు

Hyderabad Girl Murdered in Bangalore : ఇటీవల బెంగళూరులో దారుణ హత్యకు గురైన హైదరాబాద్​కు చెందిన యువతి ఆకాంక్ష విద్యాసాగర్ కేసులో అక్కడి పోలీసులు దర్యాప్తు ముమ్మరం చేశారు. ఈ మేరకు నిందితుడైన ఆమె ప్రియుడు దిల్లీకి చెందిన అర్పిత్​కు లుక్​ అవుట్​ నోటీసులు జారీ చేశారు. ఘటన జరిగిన నాటి నుంచి పరారీలో ఉన్న నిందితుడు.. దేశం విడిచి వెళ్లకుండా జీవన్​బీమానగర పోలీసులు ఎల్​వోసీ జారీ చేశారు.

Akanksha Vidyasagar Murder Case Update : ప్రియురాలిని హత్య చేసిఅదృశ్యమైన నిందితుడి జాడ కోసం.. బెంగళూరు పోలీసులు లుక్ అవుట్ సర్క్యులర్ జారీ చేశారు. దిల్లీకి చెందిన అర్పిత్​.. తన ప్రియురాలు హైదరాబాద్‌కు చెందిన ఆకాంక్ష విద్యాసాగర్​ను ఈ నెల 5న హత్య చేసి పరారయ్యాడు. అప్పటి నుంచి కనిపించకుండాపోయిన నిందితుడు.. దేశం విడిచి వెళ్లకుండా జీవన్​బీమా నగర పోలీసులు లుక్ అవుట్ నోటీసులు జారీ చేశారు.

అసలు ఏం జరిగిందంటే..: హైదరాబాద్​కు చెందిన ఆకాంక్ష విద్యాసాగర్ (23) బెంగళూర్​లోని ఓ ప్రైవేటు కంపెనిలో పని చేస్తుంది. ఆ సంస్థలోనే దిల్లీకి చెందిన అర్పిత్​తో పరిచయం ఏర్పడింది. అది కాస్త ప్రేమగా మారింది. కాగా కొన్ని నెలలుగా వీరిద్దరూ జీవన్​బీమా నగర్ పరిధిలోని కోడిహళ్లిలో ఉన్న ఓ ప్రైవేట్ అపార్ట్‌మెంట్‌లో కలిసి నివసిస్తున్నారు. ఇటీవలే అర్పిత్​కు ప్రమోషన్​ వచ్చింది. తాను ఆ పని మీద హైదరాబాద్‌ వెళ్లాడు. ఈ క్రమంలోనే ఇద్దరి మధ్య తరచూ గొడవలు జరుగుతుండటంతో విడిపోదామంటూ ఆకాంక్ష అర్పిత్​తో గొడవ పడింది. ఇది నచ్చని అర్పిత్.. కోపానికి గురైఆకాంక్షను హత్య చేయాలని పథకం రచించాడు. తన ప్లాన్​లో భాగంగా జూన్ 5వ తేదీ రాత్రి హైదరాబాద్ నుంచి బెంగళూరుకు వచ్చాడు.

Hyderabad woman Suspicious death case in Bangalore : నేరుగా ఆకాంక్ష ఫ్లాట్​కు వచ్చిన అర్పిత్​.. ఇదే విషయంలో ఆకాంక్షతో గొడవపడ్డాడు. ఈ క్రమంలోనే కోపోద్రిక్తుడైన నిందితుడు.. ఆకాంక్ష మెడకు చున్నీ చుట్టి ఊపిరాడకుండా చేసి హత్య చేశాడు. అనంతరం ఆత్మహత్యగా చిత్రీకరించేందుకు ప్రయత్నించి విఫలమయ్యాడు. దాంతో మృతదేహాన్ని అక్కడే వదిలేసి పారిపోయాడు. సెల్​ఫోన్​ లొకేషన్​ ఆధారంగా పోలీసులు తనను గుర్తించే అవకాశం ఉందని.. తన ఫోన్​ను సైతం ఆకాంక్ష అపార్ట్​మెంట్​లోనే వదిలేసి వెళ్లిపోయాడు.

ఆకాంక్ష మరో రూమ్‌మేట్ ఫ్లాట్‌కు రావడంతో ఈ ఘటన వెలుగులోకి వచ్చింది. విగతజీవిగా పడి ఉన్న తన స్నేహితురాలిని చూసి హతాశురాలైన ఆమె.. పోలీసులకు సమాచారం అందించింది. కేసు నమోదు చేసుకున్న జీవన్​బీమా నగర్ పోలీసులు ప్రత్యేక బృందాన్ని ఏర్పాటు చేసి దర్యాప్తు ప్రారంభించారు. నిందితుడి కుటుంబ సభ్యులు, పరిచయస్థులు, బంధువులను విచారించినా.. అతడి జాడ లభించలేదు. ఈ నేపథ్యంలో నిందితుడి ఆచూకీ కోసం లుక్ అవుట్ నోటీసులు జారీ చేసినట్లు పోలీసులు తెలిపారు. అతని ఆచూకి తెలిసిన వారు వెంటనే తమకు సమాచారం ఇవ్వాలని పోలీసులు విజ్ఞప్తి చేశారు.

ఇవీ చదవండి: