జంట హత్యల కేసును ఛేదించిన పోలీసులు

హైదరాబాద్ నగరంలో సంచలనం రేకెత్తించిన జంట హత్యల కేసును పోలీసులు కొన్ని గంటల్లోనే ఛేదించారు. హత్యకు పాల్పడ్డ ఆరుగురు నిందితులను అరెస్టు చేసినట్లు సీపీ అంజనీకుమార్​ తెలిపారు. పాత కక్షల నేపథ్యంలో ఈ జంట హత్యలు జరిగినట్లు సీపీ వెల్లడించారు.

హైదరాబాద్ మెహదీపట్నంలోని ఎండీలైన్స్‌లో రౌడీ షీటర్‌, అతని స్నేహితుడి జంట హత్యల కేసులో ఆరుగురు సభ్యుల ముఠాను అరెస్టు చేసినట్లు నగర పోలీస్​ కమిషనర్‌ అంజనీకుమార్‌ తెలిపారు. హత్యలు జరిగిన కొన్ని గంటల్లోనే నిందితులను పట్టుకున్న పోలీసు సిబ్బంది, అధికారులను ఆయన అభినందించారు.

హత్యలకు పాల్పడే వారు... ఎంతటి వారైనా ఉపేక్షించేది లేదని సీపీ స్పష్టం చేశారు. పాత కక్షల నేపథ్యంలో ఈ జంట హత్యలు జరిగినట్లు ఆయన వెల్లడించారు.